Имрӯз дастаи мунтахаби футзали Тоҷикистон дар марҳилаи интихобии Ҷоми Осиё-2024 бо дастаи Мянма бозӣ менамояд

ДУШАНБЕ, 11.10.2023 /АМИТ «Ховар»/. Имрӯз дар Қасри теннис ва маҷмааи варзиши обии шаҳри Душанбе бозиҳои даври ниҳоии марҳилаи интихобии Ҷоми Осиё-2024 оид ба футзал дар гурӯҳи «Е» баргузор мешаванд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Дастаҳои Тоҷикистон ва Мянма, ки пас аз ду давр шашимтиёзӣ ба даст овардаанд, байни ҳам ғолиби гурӯҳро муайян менамоянд. Вохӯрӣ соати 19:00 оғоз мешавад.

Дар бозии дигар соати 16:00 дастаҳои Фаластин ва Ҳиндустон вомехӯранд.

Ёдовар мешавем, ки ғолибони ҳашт гурӯҳ, ҳамчунин ҳафт дастаи беҳтарини ҷойи дуюм ба даври ниҳоии Ҷоми футзали Осиё-2024, ки аз 15 то 26 апрели соли оянда дар Тайланд баргузор мешавад, роҳ меёбанд.

Марҳилаи интихобии Ҷоми Осиё-2024
Гурӯҳи «E». Даври 3 

11 октябр (чоршанбе)

16:00 – Фаластин – Ҳиндустон

19:00 – ТОҶИКИСТОН – Мянма

АКС: Федератсияи футболи Тоҷикистон