Оилаи Шодиевҳо аз ноҳияи Рӯдакӣ дар мавсими даъвати тирамоҳӣ 2 нафар ва дар маҷмуъ 4 фарзанди худро ба хизмати ҳарбӣ равона намудаанд
РӮДАКӢ, 03.10.2023 /АМИТ «Ховар»/. Ҷиҳати иҷрои дастуру супоришҳои Асосгузори сулҳу ваҳдати миллӣ — Пешвои миллат, Президенти мамлакат муҳтарам Эмомалӣ Раҳмон дар самти дастгирӣ ва ҳавасмандгардонии ҷавононе, ки ихтиёран барои хизмат дар сафи Артиши миллӣ ҷалб мешаванд, оилаи Шодиевҳо, ки дар мавсими даъвати тирамоҳӣ 2 нафар ва дар маҷмуъ 4 фарзанди худро ба хизмати Ватан-Модар равона намудаанд, бо туҳфаи молии Мақомоти иҷроияи ҳокимияти давлатии ноҳияи Рӯдакӣ дар ҳаҷми 5 000 сомонӣ ва «Сипоснома» мукофотонида шуд, хабар медиҳад мухбири минтақавии АМИТ «Ховар» аз маъракаи даъвати тирамоҳии ҷавонон ба сафи Қувваҳои Мусаллаҳ дар ноҳияи мазкур.
2 октябр дар ноҳияи Рӯдакӣ бахшида ба оғози маъракаи даъвати тирамоҳии ҷавонон ба хизмати ҳарбӣ роҳпаймоӣ ва маросими тантанавии гусели наваскарон ба сафи Қувваҳои Мусаллаҳи мамлакат баргузор гардид. Дар маросими тантанавӣ дар майдони назди муҷассама ҷавонони сарбаланди ноҳияро, ки барои иҷрои қарзи шаҳрвандии хеш ба Комиссариати ҳарбӣ ҳозир шуда буданд, ба хизмати Модар-Ватан гусел намуданд.
Дар ҳамоиш Раиси ноҳияи Рӯдакӣ Абдуғаффор Ҳикматуллозода даъватшудагонро ба муносибати оғози хизмати ҳарбӣ самимона табрик намуда, иброз дошт, ки «хизмат ба Ватан ва ҳимояи марзу буми сарзамини аҷдодӣ шараф ва номуси ҷавонмардӣ буда, қарзу фарз ва вазифаю рисолати шаҳрвандӣ ва имонию виҷдонии ҳар фарди соҳибватан маҳсуб мешавад. Хислатҳои мардонагӣ, шуҷоат, далерӣ, ҳушёрӣ, тоқатпазирӣ ва обутоби ҷисмонию руҳӣ маҳз дар давраи хизмат дар сафи Артиш ташаккул ёфта, камолоти физиологӣ ва психологии ҷавонро таъмин менамоянд. Таҷрибаи зиндагӣ низ собит намудааст, ки ҳар касе, ки дар сафи Артиш сарбаландона хизмат мекунад, ҳеҷ вақт дар ҳаёт дучори шикаст намешавад. Ба ибораи дигар, хизмат ба Ватан ҷавонро қавирода ва марди комил мегардонад ва ӯро ба тамоми пастию баландиҳои ҳаёт тоқатпазир месозад».
Дар ин рӯз ба ҷавонони сарбаланди ноҳия, ки даври ронандагиро хатм намудаанд, шаҳодатномаи ронандагӣ супорида шуд. Минбаъд онҳо дар сафи Артиши миллӣ ҳамчун мутахассис-ронанда хизмат менамоянд.
Дар анҷоми ҳамоиш барои фароғати даъватшудагон барномаи ҷолиби фарҳангӣ иборат аз савту наво ва суруду таронаҳои ватандӯстона манзур гардид.
АКС: Мақомоти иҷроияи ҳокимияти давлатии ноҳияи Рӯдакӣ
Тоҷикистон ва Узбекистон масъалаи омода намудани мутахассисонро дар соҳаҳои илмҳои дақиқ ва техникӣ баррасӣ намуданд
ЛИГАИ ЧЕМПИОНҲОИ ОСИЁ. То имрӯз беш аз 10 000 чиптаи бозии дастаҳои футболи «Истиқлол» ва «Ал-Наср» фурӯхта шудааст
«РОҒУН»- ИНШООТИ АЗИМИ АСР. Гурӯҳи омӯзгорону донишҷӯёни Донишгоҳи славянии Русия ва Тоҷикистон бо ин неругоҳ шинос шуд
Дар Тоҷикистон лоиҳаи нави давлатии сармоягузорӣ таҳти унвони «Дастгирии кишоварзӣ дар заминаи ҷомеа плюс» (CASP+) оғоз гардид
Президенти Академияи миллии илмҳои Тоҷикистон дар ҷаласаи Комиссияи давлатҳои ИДМ оид ба истифодаи неруи атомӣ бо мақсадҳои осоишта иштирок намуд
Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
Дар Донишгоҳи байналмилалии забонҳои хориҷии Тоҷикистон масъалаҳои тарҷума ва тарҷумашиносӣ баррасӣ гардиданд
Дар шаҳри Хоруғ имтиҳонҳои қабул ба магистратураи «Мактаби давлатдории Эмомалӣ Раҳмон» доир шуданд
Ҳайати Тоҷикистон дар иҷлосияи 20-уми Конфронси кулли UNIDO дар Вена иштирок дорад
Барои дарёфти Ҷоизаи давлатии Ҷумҳурии Тоҷикистон ба номи Абӯабдулло Рӯдакӣ дар соли 2024 озмун эълон гардидааст
Намояндаи Тоҷикистон дар ҷаласаи 114-уми Шурои Созмони байналмилалии муҳоҷират иштирок намуд
ИСТИФОДАИ ОҚИЛОНАИ ЗАМИН. Кишоварзони ноҳияи Ҷайҳун мақсад гузоштаанд истеҳсоли лимӯро ба 7000 тонна расонанд
