ОМОДАГӢ БА ЗИМИСТОН. Дар Ҳисор барои захираи маҳсулоти кишоварзӣ бо усули «Хона ба хона» корҳои фаҳмондадиҳӣ гузаронида мешаванд
ДУШАНБЕ, 22.10.2023 /АМИТ «Ховар»/. Занони шаҳри Ҳисор ба мавсими зимистон ҳаматарафа омодагӣ мебинанд. Бо мақсади бурдани корҳои фаҳмондадиҳӣ бо усули «Хона ба хона» кормандони шуъбаи кор бо занон ва оилаи назди Мақомоти иҷроияи ҳокимияти давлатии шаҳри Ҳисор ба ҷамоатҳои шаҳраку деҳот рафта, бо самаранок истифода бурдани заминҳои наздиҳавлигӣ дар деҳот, омодагии сокинон ба мавсими зимистон, хусусан захираи маҳсулот барои фасли зимистон шинос шуданд.
Тибқи иттилои мудири шуъбаи кор бо занон ва оилаи шаҳри Ҳисор Савриямоҳ Каримова, кадбонуҳо бо истифода аз таҷрибаи модару модаркалонҳо дар деҳот аз заминҳои наздиҳавлӣ ва дар шаҳр бо истифода аз маҳсулоти арзону фаровони бозорҳои шаҳр ба миқдори зиёд банкаҳои хӯришу нӯшобаҳо аз сабзавоту мева, инчунин афшураю мураббои гуногун омода ва барои фасли зимистон захира намудаанд.
Савриямоҳ Каримова гуфт, ки дар деҳот ҳамсояҳо бо навбат ба хонаҳои ҳамдигар меоянд ва корҳои омодаю пухтани хӯриши нӯшобаҳо, афшураю мурабборо байни худ тақсим менамоянд. Онҳо бо маслиҳати занони таҷрибадор даст ба дасти ҳам дода, яке аз амалҳои неки зиндагӣ- сарфаю сариштакориро ҳадафи хеш қарор медиҳанд.
Бояд тазаккур дод, ки захира намудани маҳсулоти хӯрокворӣ барои фасли зимистон, хусусан омода намудани хӯришу нӯшобаҳо, афшураю мураббо ва дигар навъи маҳсулот ба мавсими сармо ҳамеша зимни мулоқот ва суханрониҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо сокинони минтақаҳои гуногуни мамлакат таъкид мегардад.
АКС: Мақомоти иҷроияи ҳокимияти давлатии шаҳри Ҳисор
Дастовардҳои миллии Тоҷикистон дар Намоишгоҳи кишварҳои ИДМ муаррифӣ гардиданд
Дар Душанбе Форуми сеюми соҳибкории кишварҳои Осиёи Марказӣ ва Амрико доир мегардад
ИМРӮЗ-РӮЗИ ҶАҲОНИИ ПОЧТА. «Почтаи Тоҷикистон» то соли 2030 ба маркази миллии логистика ва хизматрасониҳои рақамӣ табдил меёбад
Дар Тоҷикистон беш аз 300 тонна пилла истеҳсол гардидааст
Дар Душанбе масъалаи рушди технологияҳои рақамӣ ва ҳифзи кӯдакон дар муҳити рақамӣ баррасӣ гардид
Корхонаи коркарди пахтаи ноҳияи Фархор баъд аз таъмир ба истифода дода шуд
РӮЗИ ҶАҲОНИИ ПАХТА. Як килограмм нахи пахта дар бозори ҷаҳонӣ ба 16 килограмм гандум баробар аст
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дурнамои рушди соҳаи сохтмони Тоҷикистон дар форуми байналмилалӣ дар Екатеринбург муаррифӣ гардид
Лоиҳаи «Дастрасӣ ба бозорҳо ва мутобиқшавӣ барои чорводорӣ» татбиқ мегардад
Дар Конфронси C5+1 SI дастовардҳои Тоҷикистон дар самти рушди зеҳни сунъӣ муаррифӣ шуданд
Коршиносони БОР соҳаи нақлиёт ва логистикаро яке аз муҳаррикони рушди иқтисодиёт арзёбӣ менамоянд
