«ПЕШСАФОНИ ИДМ». Омӯзгори тоҷик соҳиби ҷоизаи байналмилалӣ гардид
ДУШАНБЕ, 27.10.2023. /АМИТ «Ховар»/. Омӯзгори тоҷик, директори Муассисаи давлатии Маркази таҳлилӣ-иттилоотии назди Сарраёсати маорифи шаҳри Душанбе Зафар Муродзода дар Озмуни байналмилалии «Пешсафони ИДМ» дар байни зиёда аз 1000 довталаб аз давлатҳои Иттиҳоди Давлатҳои Мустақил иштирок намуда, бо нишони «Пешсафони ИДМ» қадрдонӣ гардид. Дар ин хусус ба АМИТ «Ховар» дар Муассисаи давлатии Маркази таҳлилӣ-иттилоотии назди Сарраёсати маорифи шаҳри Душанбе хабар доданд.
Озмуни байналмилалии «Пешсафони ИДМ» чанде қабл дар пойтахти Ҷумҳурии Узбекистон- шаҳри Тошканд ҷамъбаст гардида, дар он зиёда аз 1000 довталаб аз давлатҳои Иттиҳоди Давлатҳои Мустақил иштирок намуданд.
Директори Муассисаи давлатии Маркази таҳлилӣ-иттилоотии назди Сарраёсати маорифи шаҳри Душанбе Зафар Муродзода даз рӯи номинатсияи «Технологияҳои иттилоотӣ ва зеҳни сунъӣ» ғолиб дониста шуда, бо нишони «Пешсафони ИДМ» қадрдонӣ гардид.
Бояд гуфт, ки Ташкилоти ҷамъиятии байналмилалии «Маркази рушди зеҳнӣ» аз Ҷумҳурии Тоҷикистон намзадии довталабонро аз рӯи 15 номинатсия пешниҳод намуда буд. Дар натиҷа вобаста ба муҳтавои мақолаҳо ва натиҷаҳои нишондодаи довталабон ғолибон муайян гардиданд.
Бояд тазаккур дод, ки технологияҳои иттилоотӣ дар замони муосир ба тамоми соҳаҳои хоҷагии халқ пайваст гардида, мунтазам ташаккул меёбад. Бо назардошти муҳиммияти технологияҳои иттилоотӣ аз ҷониби Ҳукумати мамлакат Консепсияи ташаккули ҳукумати электронӣ ба тасвиб расидааст, ки барои рушди ҳамгироии технологияҳои иттилоотӣ бо тамоми соҳаҳо заминаи мусоид фароҳам сохтааст.
Аз ҷумла, соҳаи маориф аз имконоти ин падидаи замони муосир васеъ истифода менамояд. Яке аз чунин дастовардҳои нодир дар заминаи татбиқи ташаккули ҳукумати электронӣ барномаи журнали электронии «eDonish» мебошад, ки саҳми Зафар Муродзода дар таҳияи он назаррас буда, доир ба татбиқи он дар муассисаҳои таълимии пойтахт пайваста кӯшиш менамояд. Ин аст, ки пешниҳоди мақола дар бораи «eDonish» ва дигар фаъолиятҳои назарраси ӯ аз ҷониби ташаббускорони Озмуни байналмилалии «Пешсафони ИДМ» мавриди таваҷҷуҳ ва қадрдонӣ қарор гирифт.
АКС: Муассисаи давлатии Маркази таҳлилӣ-иттилоотии назди Сарраёсати маорифи шаҳри Душанбе
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати Рӯзи дониш ва Дарси сулҳ дар муассисаи таҳсилоти миёнаи умумии №105-и шаҳри Душанбе
Пешвои миллат Эмомалӣ Раҳмон дар шаҳри Душанбе муассисаи таҳсилоти миёнаи умумии рақами 105-ро ифтитоҳ намуданд
ИСТИҚЛОЛИЯТ ВА РУШДИ МАОРИФ. Давоми 35 соли соҳибистиқлолӣ модели муосири мактаби миллӣ ташаккул ёфт
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
ИСТИҚЛОЛИЯТ ВА РУШДИ МАОРИФ. Давоми 35 сол дар Тоҷикистон шумораи омӯзгорон беш аз 41 ҳазор зиёд гардид
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
