РӮЗИ ДАЪВАТШАВАНДА. Дар Кӯлоб маъракаи тирамоҳии даъвати ҷавонон ба сафи Қувваҳои Мусаллаҳи Ҷумҳурии Тоҷикистон оғоз ёфт
КӮЛОБ, 02.10.2023 /АМИТ «Ховар»/. 1 октябр бахшида ба Рӯзи даъватшаванда дар Комиссариати ҳарбии шаҳри Кӯлоб ҷамъомади тантанавӣ баргузор гардид, хабар медиҳад мухбири минтақавии АМИТ «Ховар» Сулаймон Холзода.
Дар он Раиси шаҳри Кӯлоб, роҳбарони мақомоти ҳифзи ҳуқуқ, собиқадорони ҷангу меҳнат, роҳбарони ташкилоту муассисаҳо, волидайни даъватшудагон ва дигар шахсони масъул иштирок намуданд.
Дар рӯзи аввали даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон як гурӯҳ ихтиёриён бо ҳисси баланди ватандӯстӣ ба Комиссариати ҳарбии шаҳри Кӯлоб ҳозир шуданд.
Изҳор гардид, ки барои мо мояи ифтихор ва сарбаландӣ аст, ки бо талошҳои Пешвои миллат, Сарфармондеҳи Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон ҷумҳурии соҳибистиқлоламон соҳиби Артиши миллии бонизом гардидааст. Ин суханони Пешвои миллат тавонбахши руҳу ҷони ҳар фарзанди содиқ ба Ватан мебошанд: «Хизмат дар сафи Қувваҳои Мусаллаҳи Ҷумҳурии Тоҷикистон баёнгари ору номуси баланди ватандории ҳар ҷавонмард мебошад. Ватан ва ҳимояи марзу буми аждодӣ барои ҳар яки мо ҳам қарз ва ҳам фарз аст!».
Дар анҷоми ҳамоиш ҳунармандони бахши фарҳанги Мақомоти иҷроияи ҳокимияти давлатии шаҳри Кӯлоб барномаи фарҳангии худро пешниҳоди ҳозирин гардониданд. Ҳамзамон аз ҷониби Мақомоти иҷроияи ҳокимияти давлатии шаҳри Кӯлоб барои навдаъватон дастархони идона ороста шуд.
Чун анъана аз ҷониби модарон маросими «Нонгазон» гузаронида шуда, ҷавонон дар вазъияти тантанавӣ бо дуои пирони рӯзгордида ба сафи Қувваҳои Мусаллаҳи Ҷумҳурии Тоҷикистон гусел гардиданд.
АКС: АМИТ «Ховар»
5 декабр дар се минтақаи шаҳри Душанбе фан-зона барои тамошои бозии «Истиқлол» ва «Ал-Наср» ташкил мешавад
Сарвари давлат Эмомалӣ Раҳмон бо Президенти Гурӯҳи Бонки умумиҷаҳонӣ Аҷай Банга мулоқот намуданд
«ШОҲИ МЕВАҲО». Бо истифода аз мавсими хурмо ин меваро ба нафъи саломатӣ бояд истеъмол намуд
АСАЛИ ТОҶИКИСТОН. Зиёда аз сад намунаи он ба бозори давлатҳои Иттиҳоди Аврупо роҳ ёфтаанд
3 ДЕКАБР -РӮЗИ БАЙНАЛМИЛАЛИИ МАЪЮБОН. Давоми се соли охир дар Тоҷикистон нишондиҳандаи маъюбӣ 7 фоиз паст фароварда шуд
Пешвои миллат Эмомалӣ Раҳмон бо Вазири давлатии Амороти Муттаҳидаи Араб Аҳмад Алӣ ал-Сайеғ мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар Саммити Гурӯҳи 77 ва Чин дар ҳошияи Конфронси ҷонибҳои Конвенсияи қолабии СММ оид ба тағйирёбии иқлим (COP 28)
Президенти Ҷумҳурии Тоҷикистон Эмомалӣ Раҳмон дар Саммити Гурӯҳи 77 ва Чин дар ҳошияи Конфронси ҷонибҳои Конвенсияи қолабии СММ оид ба тағйирёбии иқлим (COP 28) иштирок ва суханронӣ намуданд
«ТОҶИКОН» – ОИНАИ ТАЪРИХИ МИЛЛАТ». Шаҳри Душанбе бо гирифтани 2 Шоҳҷоиза, 11 ҷой ва 3 ҷойи ифтихорӣ дар ҷумҳурӣ беҳтарин дониста шуд
Пешвои миллат Эмомалӣ Раҳмон дар Мизи мудаввари сатҳи баланди Саммити ҷаҳонӣ оид ба амалҳои иқлимӣ иштирок ва суханронӣ намуданд
«ПЕШГИРИИ ПАНДЕМИЯ, ҲИФЗИ СИСТЕМАҲОИ ОЗУҚАВОРӢ ВА МУҲИТИ ЗИСТ». Ҳайати Тоҷикистон дар Алмато дар ин ҷаласаи минтақавии сатҳи баланд иштирок намуд
Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди Гурӯҳи кишварҳои рӯ ба тараққии маҳсур дар хушкӣ иштирок ва суханронӣ намуданд
