«ЗАБОНИ МИЛЛАТ-ҲАСТИИ МИЛЛАТ». Ба истиқболи Рӯзи забони давлатӣ дар шаҳри Ҳисор маҳфил-озмун баргузор мегардад
ДУШАНБЕ, 01.10.2023 /АМИТ «Ховар»/. Бахшида ба Рӯзи забони давлатии Ҷумҳурии Тоҷикистон ва Ҷашни 35-солагии Истиқлолияти давлатии Ҷумҳурии Тоҷикистон маҳфил-озмуни «Забони миллат – ҳастии миллат» байни донишҷӯёни коллеҷу литсей ва хонандагони синфи 11-и Мактаби Президентӣ барои хонандагони болаёқат дар шаҳри Ҳисор баргузор мегардад. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Ҳисор хабар доданд.
Маҳфил-озмуни «Забони миллат – ҳастии миллат» бо ибтикори Кумитаи иҷроияи Ҳизби Халқии Демократии Тоҷикистон ташкил карда шуда, Лоиҳаи ангораи Маҳфил-озмуни «Забони миллат – ҳастии миллат» дар маҷлиси нахустини Кумитаи тадорукот тасдиқ карда шуд.
Маҳфил-озмун дар ду давр гузаронида мешавад. Даври якум дар доираи муассисаҳои таълимӣ аз 30 сентябр то 3 октябр гузаронида шуда, ташкилкунандаи маҳфил-озмун, ҷамъоварии ҳуҷҷатҳои лозимаро барои иштирок дар маҳфил-озмун ба роҳ мемонанд ва аз миёни довталабон ғолибони ҷойи якумро барои иштирок дар даври дуюм пешниҳод менамоянд. Даври дуюми маҳфил-озмун барои ғолибони ҷойҳои якум, дуюм ва сеюми даври якум 4 октябр баргузор мегардад.
Тибқи Низомнома, маҳфил-озмун аз се шарти зерин иборат аст: қироати ифоданоки ғазал, ҳар як иштирокчии маҳфил-озмун доир ба моҳияти таърихии китоби «Забони миллат-ҳастии миллат»-и Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон, Раиси Ҳизби Халқии Демократии Тоҷикистон муҳтарам Эмомалӣ Раҳмон ибрози андеша намуда, маҳорату истеъдоди иштирокчиёни озмун аз рӯйи нақли осор ва маълумоти мухтасар дар бораи таърихи забони тоҷикӣ муайян карда мешавад. Сипас аз ҷониби ҳакамон ба довталабон аз китоби «Забони миллат-ҳастии миллат» саволҳо пешниҳод карда мешавад. Ҳамчунин ҳайати ҳакамон метавонанд барои беҳтару хубтар муайян намудани дониши довталабон саволҳои иловагӣ пешниҳод намоянд.
Ғолибони маҳфил-озмун бо туҳфаҳо ва сипосномаҳои таъсиснамудаи Кумитаи иҷроияи Ҳизби Халқии Демократии Тоҷикистон дар шаҳри Ҳисор қадршиносӣ карда мешаванд.
Маҳфил-озмуни «Забони миллат – ҳастии миллат» бо мақсади таҳкими арзишҳои маънавию фарҳангӣ, бедор намудани ҳисси ватандустию меҳанпарастӣ, арҷгузорӣ ба забони давлатӣ, эҳтиром ба муқаддасоти миллӣ миёни ҷавонон, талқини ҷавонон барои сухан гуфтан бо забони ноби адабии тоҷикӣ, муаррифии забони тоҷикӣ ба ҷаҳониён ҳамчун забони қадимаи олам ва эҳё намудани арзишҳои неки ниёгон бахшида ба Рӯзи забони давлатии Ҷумҳурии Тоҷикистон дар доираи чорабиниҳои ҷашнии 35-солагии Истиқлолияти давлатии Ҷумҳурии Тоҷикистон роҳандозӣ мегардад.
АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор
МО ҶАВОНЕМ, МО ҶАВОНЕМ, МО ҶАВОН! Дар Тоҷикистон зиёда аз 2 миллион нафарро ҷавонон ташкил медиҳанд
РИСОЛАТИ ТАЪРИХИИ ҲИЗБИ ХАЛҚИИ ДЕМОКРАТИИ ТОҶИКИСТОН ДАР ТАҲКИМИ ПОЯҲОИ ИСТИҚЛОЛИ ДАВЛАТӢ. Андешаҳо ба ифтихори 30-солагии таъсиси ҳизб
СОЛИ МАЪРИФАТИ ҲУҚУҚӢ. Расонидани ёрии ҳуқуқии ройгон ифодагари ғамхории Пешвои миллат нисбат ба мардуми Тоҷикистон аст
«СИФАТИ ХИЗМАТРАСОНИИ ТИББӢ». Доир ба беҳтар намудани кумаки статсионарӣ ба модарон, навзодон ва кӯдакон машғулият доир гардид
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид
