«Амонатбонк» ва Бонки давлатии рушди Чин ба маблағи 100 миллион юан созишномаи қарзӣ ба имзо расониданд
ДУШАНБЕ, 18.11.2023. /АМИТ «Ховар»/. Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» ва Бонки давлатии рушди Чин ба маблағи 100 миллион юан созишномаи қарзӣ ба имзо расониданд. Дар ин хусус ба АМИТ «Ховар» дар «Амонатбонк» хабар доданд.
Созишнома аз ҷониби Раиси Раёсати «Амонатбонк» Сироҷиддин Икромӣ ва Президенти Бонки давлатии рушди Чин Тан Тсзюн ба имзо расонида шуд.
Ҳадафи асосии ба имзо расонидани созишномаи қарзӣ- ин пешниҳоди қарзҳои хурд барои рушди соҳаи кишоварзӣ, рушди соҳибкории хурду миёна, ворид намудани техникаву технологияҳои истеҳсоли молу маҳсулоти воридотивазкунанда, инчунин соҳибкороне, ки аз Ҷумҳурии Мардумии Чин молу маҳсулот ворид менамоянд, мебошад.
Бояд гуфт, ки 17 ноябр ҷиҳати ба имзо расидани Созишномаи нави қарзӣ Президенти Бонки давлатии рушди Чин Тан Тсзюн бо гурӯҳи мутахассисони бонк ба Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» ташриф овард.
Зимни мулоқот ҷонибҳо оид ба ҳамкории дуҷонибаи байнибонкӣ ва густариши ҳамкорӣ дар самтҳои мухталиф ибрози назар намуданд.

Таъкид гардид, ки давоми 15 соли ҳамкорӣ байни бонкҳо 10 созишнома, аз ҷумла 9 созишномаи қарзӣ ба маблағи 81,5 миллион доллари ИМА, 1 созишнома оид ба рушди ҳамкории дуҷониба ва 1 ёддошти тафоҳум оид ба бозомӯзии кормандони «Амонатбонк» ба имзо расонида шудаанд.
Ёдовар мешавем, ки тавассути ҳамкории судманди дуҷониба байни «Амонатбонк» ва Бонки давлатии рушди Чин то имрӯз беш аз 81,5 миллион доллари ИМА маблағ ҷудо шуда, дар ин замина 74 лоиҳаҳои мухталиф дар 36 шаҳру ноҳияҳои ҷумҳурӣ маблағгузорӣ гардиданд.
Аз ин маблағҳо 35% фоизи онҳо ба рушди соҳаи кишоварзӣ, 46% ба рушди соҳаи саноат ва 19% ба дастгирии соҳибкории хурду миёна равона гардидааст. Инчунин ба 4200 мизоҷ барои рушди фаъолияти соҳибкории хурду миёна қарзҳои хурд ҷудо шуда, дар натиҷаи татбиқи лоиҳаҳо дар бозори меҳнати мамлакат зиёда аз 6900 ҷойи нави корӣ таъсис дода шуд.
АКС: Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк»








Барои рушди соҳаи боғу токпарварӣ — барномаи чоруми давлатӣ татбиқ мегардад
«БАРНОМАИ МИЁНАМУҲЛАТИ РУШДИ ИҚТИСОДИ РАҚАМӢ».Мутахассис ин мавзуъро шарҳ медиҳад
ТИҶОРАТИ РАҚАМӢ. Он ба густариши фаъолияти соҳибкорӣ ва баланд бардоштани рақобатпазирии иқтисоди миллӣ мусоидат менамояд
МАСЛИҲАТИ МУТАХАССИС. Барои ҳифзи боғҳо корҳои агротехникии тирамоҳӣ аҳамияти муҳим доранд
Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд






