«ҶАВОНОН-ПАЙРАВОНИ ПЕШВОИ МИЛЛАТ». Дар ноҳияи Данғара бо иштироки ҷавонони фаъоли мамлакат ҳамоиш доир шуд
ДУШАНБЕ, 10.11.2023. /АМИТ «Ховар»/. Имрӯз ба ифтихори Рӯзи Президенти Ҷумҳурии Тоҷикистон ва 31- солагии Иҷлосияи ХVI Шурои Олии Ҷумҳурии Тоҷикистон дар Донишгоҳи давлатии тиббии Хатлон дар ноҳияи Данғара ҳамоиши «Ҷавонон-пайравони Пешвои миллат» бо иштироки ҷавонони фаъоли ҷумҳурӣ, аз ҷумла ҷавонони вазорату идораҳо, устодону донишҷӯён, ва иштирокчиёну ғолибони озмунҳои «Фурӯғи субҳи доноӣ китоб аст», «Тоҷикистон-Ватани азизи ман» ва «Илм -фурӯғи маърифат» доир шуд, иттилоъ медиҳад АМИТ «Ховар».
Қабл аз оғози ҳамоиш иштирокчиëн бо намоиши дастовардҳои донишҷӯëни донишгоҳ ва ҷараëни таълим дар ин муассиса шинос шуданд.
Ҷавонони фаъоли мамлакатро, ки бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба ноҳияи Данғара сафар намуданд, бо гирифтани акси хотиравӣ роҳбарияти ноҳия истиқбол намуда, ба тамошои дастҷамъонаи Осорхонаи мактабии Пешвои миллат муҳтарам Эмомалӣ Раҳмон дар ноҳияи Данғара роҳнамоӣ намуданд.
Дар ҳамоиш роҳбарияти Кумитаи кор бо ҷавонон ва варзиши назди Ҳукумати Ҷумҳурии Тоҷикистон иброз дошт, ки давоми солҳои истиқлолият ҷавонони мамлакат дар амри расидан ба ҳадафҳои бузурги миллӣ саҳми назаррас гузоштанд. Ҳукумати Ҷумҳурии Тоҷикистон, хосса Пешвои миллат ба маҷмуи дастовард, ташаббусу корномаҳои ҷавонон пайваста таҳсин мехонанд ва ба фаъолияти ҷавонони мамлакат баҳои баланд дода, эътимоди қавӣ доштанашонро ба онҳо иброз менамоянд.
Иштирокдорон оид ба нақши Пешвои миллат дар таҳкими давлатдории тоҷикон, саҳми Президенти мамлакат дар сулҳу субот ва оромии ҷомеа, ифтихор аз арзишҳои миллати куҳанбунёд ва тарбияи насли наврас дар руҳияи хештаншиносӣ сухан гуфта, садоқати бепоёни худро ба Пешвои миллат изҳор доштанд.
Тазаккур дода шуд, ки Рӯзи Президент ва 31-солагии Иҷлосияи ХVI Шурои Олии Ҷумҳурии Тоҷикистон барои мардуми тоҷик ҷашнҳои муҳим ва сарнавиштсозу тақдирсоз мебошанд. Пешвои миллат муҳтарам Эмомалӣ Раҳмон бо далерӣ ва ҷасорату мардонагӣ тақдири ояндаи миллатро ба даст гирифта, дар таъмини сулҳу ваҳдати саросарӣ, оромию субот, сарҷамъии миллат, расидан ба ҳадафҳои стратегии мамлакат, боло рафтани нуфузу эътибори мамлакат дар арсаи ҷаҳонӣ ва ободу шукуфоии Тоҷикистон саҳми беназир доранд.
Дар ҳамоиш ҷавонони фаъол иброз намуданд, ки «мо талош менамоем дар татбиқи ғояҳои низоми давлатдорӣ, ки аз ҷониби Пешвои миллат мушаххас гардидаанд, саҳм гузошта, иштироки сазовори ҷавононро дар равандҳои бунёдкоронаи ҷомеаи мамлакат таъмин намоем».
Ёдовар мешавем, ки қабл аз сафар ба ноҳияи Данғара ҷавонони мамлакатро дар даромадгоҳи шаҳри Норак роҳбарияти шаҳр истиқбол намуданд.
Нахуст ҷавонон бо Осорхонаи «Дӯстии халқҳо»-и шаҳри Норак шинос шуданд.
Зарангези ЛАТИФ,
АМИТ «Ховар»
Душанбе-Норак-Данғара
АКС: АМИТ «Ховар»
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
Оид ба нақши ҷавонон дар татбиқи ташаббусҳои ҷаҳонии Президенти Тоҷикистон дар самти обу иқлим ва ҳифзи пиряҳҳо ҳамоиш доир шуд
Либоси зебою шинами миллӣ дар ҳамаи давру замон зинатбахши занону духтарони тоҷик аст
Бахшида ба Соли байналмилалии ҳифзи пиряхҳо бо ибтикори Ҳизби Халқии Демократии Тоҷикистон ҳамоиш доир шуд
