АВВАЛИН ДАР ТОҶИКИСТОН. «Бонки Эсхата» мақоми бонки тасдиқкунандаро гирифт

Ноябрь 30, 2023 09:26

ДУШАНБЕ, 30.11.2023 /АМИТ «Ховар»/. Ҷамъияти саҳомии кушодаи «Бонки Эсхата» аввалин муассисаи молиявӣ дар Ҷумҳурии Тоҷикистон гардид, ки дар доираи барномаи маблағгузории тиҷорати Бонки Осиёии Рушд (БОР) мақоми бонки тасдиқкунандаро гирифтааст. Созишнома дар бораи додани мақоми бонки тасдиқкунанда байни БОР ва Бонки Эсхата 15 ноябри соли 2023 ба имзо расид. Дар ин хусус АМИТ «Ховар» бо истионд ба Ҷамъияти саҳомии кушодаи «Бонки Эсхата» хабар медиҳад.

Ин чӣ маъно дорад?

Ин маънои онро дорад, ки Бонки Эсхата ҳамчун бонки тасдиқкунанда уҳдадориҳои пардохтии бонк ё харидории хориҷиро ба фоидаи содироткунанда/воридоткунанда бо ҷуброни минбаъдаи маблағ аз контрагентҳои хориҷӣ иҷро менамояд. Ҳамин тариқ, бенефитсиар кафолати пардохти дукаратаро пайдо менамояд.

Бояд иброз намуд, ки тасдиқи аккредитив ва кафолатҳо ҳангоми хизматрасонии содиротӣ-воридотии амалиёти мизоҷон бо истифода аз воситаҳои маблағгузории тиҷорати кӯтоҳмуддат тавассути тасдиқи аккредитив ва кафолатҳои аз ҷониби бонкҳои хориҷӣ аз номи воридоткунандагон/содиркунандагон баровардашуда амалӣ мегардад.

БОР дар доираи барномаи “Маблағгузории тиҷорат” ба бонкҳои тиҷоратии байналмилалӣ (ба бонкҳои тасдиқкунанда) кафолат медиҳад. Дар ин ҳолат бонк хавфҳои пардохти сиёсӣ ва тиҷоратиро барои муомилоти аз ҷониби бонкҳои иштироккунанда (бонкҳои эмитент) дар давлатҳои амалиётии Бонки Осиёии Рушд анҷомдода бар дӯш мегирад.

Тавре муовини сардори Департаменти молияи Бонки Эсхата Далер Содиқов иброз дошт, тасдиқи Бонки Эсхата дар доираи кафолатҳои БОР метавонад барои таъмини пардохти воситаҳои зерин истифода шавад:

  • аккредитивҳои ҳуҷҷатӣ, аккредитивҳои захиравӣ барои муомилоти тиҷоратии аз ҷониби бонкҳои эмитентӣ пешниҳодшуда, пардохтҳои батаъхиргузорӣ аз рӯи аккредитивҳо ва ғайра;
  • тасдиқ ва дисконти аккредитиви содиротӣ дар ҳолати таъхири пардохт аз ҷониби содироткунанда;
  • кафолати пешпардохт ва дигар намудҳои кафолатҳои пардохт;
  • кафолатҳои иҷрои уҳдадориҳо ва дигар кафолатҳои шартномавӣ;

Бонки Эсхата аз соли 2012 ба ҳайси бонки эмитент дар доираи Барномаи маблағгузории тиҷорати Бонки Осиёии Рушд сабт шудааст. Тибқи созишномаи нав аз 15 ноябри соли 2023, бонк мақоми Бонки тасдиқкунандаро соҳиб шудааст. Фарогирии барнома зиёда аз 200 бонки тасдиқкунандаи 90 давлати ҷаҳонро дар бар мегирад.

АКС: «Бонки Эсхата»

Ноябрь 30, 2023 09:26

Хабарҳои дигари ин бахш

ҚУРБИ АСЪОР: дар Тоҷикистон 1 рубли русӣ аз 0. 1207 то 0.1220 сомонӣ муқаррар шудааст
«Амонатбонк» ва «KazakhExport» ҳамкориро дар самти маблағгузории савдо густариш медиҳанд
Бонки миллии Тоҷикистон: «Фаъолияти низоми пардохтии интиқоли маблағҳо «CONTACT» қатъ гардид»
ҚУРБИ АСЪОР: дар Тоҷикистон 1 евро аз 11.8520 то 12.0500 сомонӣ муқаррар шудааст
«Амонатбонк» ва Институти ҷаҳонии бонкҳои амонатгузорӣ ва чакана муносибатҳои шарикиро дар сатҳи нав қарор медиҳанд
ҚУРБИ АСЪОР: дар Тоҷикистон 1 рубли русӣ аз 0. 1190 то 0.1210 сомонӣ муқаррар шудааст
ҚУРБИ АСЪОР: дар Тоҷикистон 1 доллари ИМА аз 10.9585 то 10.9800 сомонӣ муқаррар шудааст
Бонки миллии Тоҷикистон ва Бонки ҷаҳонӣ ҳамкориро оид ба рақамикунонии иқтисодиёти Тоҷикистон тақвият медиҳанд
ҚУРБИ АСЪОР: дар Тоҷикистон 1 рубли русӣ аз 0. 1181 то 0.1200 сомонӣ муқаррар шудааст
ҚУРБИ АСЪОР: дар Тоҷикистон 1 рубли русӣ аз 0. 1185 то 0.1205 сомонӣ муқаррар шудааст
Тоҷикистон ва Кореяи Ҷанубӣ тасмим гирифтаанд суратҳисобҳои муросилотӣ кушоянд
ҚУРБИ АСЪОР: дар Тоҷикистон 1 доллари ИМА аз 10.9594 то 10.9800 сомонӣ муқаррар шудааст