БАХШИДА БА 35-СОЛАГИИ ИСТИҚЛОЛИ ДАВЛАТӢ. Дар Истаравшан Боғи фарҳангию фароғатии ба номи Исмоили Сомонӣ бунёд мегардад
ДУШАНБЕ, 20.11.2023 /АМИТ «Ховар»/. Дар шаҳри Истаравшан ба истиқболи 35-солагии Истиқлоли давлатии Ҷумҳурии Тоҷикистон бунёди якчанд иншооти гуногун идома дорад. Раиси вилояти Суғд дар шаҳр бо фаъолияти корхонаҳои саноатӣ ва ҷараёни корҳои ободониву созандагӣ шинос гардид. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Раиси вилоят корҳои сохтмонии Боғи фарҳангию фароғатии ба номи Исмоили Сомониро мавриди таваҷҷуҳ қарор дод. Лоиҳаи боғ бо фармоиши Мақомоти иҷроияи ҳокимияти давлатии шаҳри Истаравшан аз ҷониби Ҷамъияти дорои масъулияти маҳдуди «Кохи сафед»-и шаҳри Душанбе таҳия гардидааст. Боғи фарҳангию фароғатии ба номи Исмоили Сомонӣ дар ҳудуди Муассисаи давлатии таълим ва истироҳати шаҳр дар масоҳати қариб 3 гектар бунёд мешавад.
Бо мақсади рушду нумӯи фарҳанги миллӣ ва боз ҳам ободу зебо намудани шаҳри Истаравшан бо дастгирии роҳбарияти вилоят ва маблағгузории Мақомоти иҷроияи ҳакимияти давлатии вилояти Суғд сохтмони Қасри фарҳанги шаҳр низ идома дорад. Корҳои сохтмони Қасри фарҳанг борои 1000 ҷойи нишаст дар хиёбони Исмоили Сомонӣ аз ҷониби пудратчӣ- Идораи сохтмони асосии Мақомоти иҷроияи ҳокимияти давлатии вилояти Суғд идома дошта, зимни шиносоӣ бо корҳо барои бо сифати баланд ба охир расонидани он тавсияҳо дода шуд.
Раиси вилоят дар хиёбони Исмоили Сомонӣ ҳамзамон бо ҷараёни корҳои сохтмонӣ дар маҷмааи хизматрасонии «Шоҳроҳи абрешим» шинос гардид.
Сохтмони маҷмааи бисёрфунксионалии «Шоҳроҳи абрешим» аз тарафи ҶДММ «Мабдаи Нур»- фармоишгар ва пудратчии он амалӣ шудааст. Лоиҳаи маҷмаа аз тарафи ширкати лоиҳакашии «Архиком-К»-и шаҳри Душанбе дар якҷоягӣ бо мутахассисони Ҷумҳурии Қазоқистон омода шуда, дар ҷараёни сохтмон аз ҷониби ин ширкат назорати муаллифӣ бурда мешавад. Дар ошёнаи якуми маҷмаа дар масоҳати 4500 м2 мағозаи бузург, ки дар як вақт ба 500 нафар мизоҷ хизмат мерасонад, бунёд мегардад. Дар ошёнаҳои дигар маркази савдо ва хизматрасонӣ, аз ҷумла мағозаҳои фурӯши маҳсулоти ҳунарҳои мардумӣ ва армуғонҳои сайёҳӣ, нуқтаи хизматрасонӣ ба сайёҳони дохиливу хориҷӣ амалӣ шуда, қаҳвахона, ошхона, кинотеатр, нуқтаҳои хизматрасонӣ ташкил мегарданд.
Раиси вилоят инчунин бо сохтмони Мактаб-интернат барои кӯдакони ятим, бинои иловагии маркази саломатии рақами 1, бинои ҷамоати Гули сурх, кӯдакистон барои 200 нафар,ҳамзамон бо фаъолияти ҶДММ «Авангард», ки ба истеҳсоли равғани муҳаррик ва ҶДММ «Асри обод», ки мебел истеҳсол менамояд, шинос гардид.
АКС: Хадамоти матбуоти Раиси вилояти Суғд
35-СОЛАГИИ ИСТИҚЛОЛИЯИ ДАВЛАТӢ. Дар Шуғнон осоишгоҳи табобатӣ ва корхонаҳои саноатӣ ба истифода дода шуданд
КВОТАИ ПРЕЗИДЕНТӢ. Тариқи он 653 нафар ҷавонони Бадахшон дар муассисаҳои таҳсилоти олии касбӣ таҳсил доранд
ДАРВОЗАИ ТИЛЛОИИ ТОҶИКИСТОН. Дар солҳои соҳибистиқлолӣ дар Бадахшон 250 километр роҳ, як нақб ва 26 пул ба истифода дода шуд
Дар доираи сафари кории Сарвари давлат дар Бадахшон 17 бунгоҳи тиббӣ ба истифода дода шудааст
Президенти Тоҷикистон вобаста ба таъмир ва сохтмони муассисаҳои нави таълимӣ дар Бадахшон дастур доданд
Сафари кории Сарвари давлат Эмомалӣ Раҳмон ба шаҳру ноҳияҳои Вилояти Мухтори Кӯҳистони Бадахшон ба анҷом расид
Дар Бадахшон 72 иншооти соҳаи тандурустӣ то ҷашни 35-солагии Истиқлоли давлатӣ бунёду навсозӣ мегардад
Эмомалӣ Раҳмон: «Дар солҳои соҳибистиқлолӣ аз ҳисоби буҷети ҷумҳуриявӣ беш аз 2,5 миллиард сомонӣ барои сари вақт пардохт намудани маошу нафақа ва ҳалли дигар масъалаҳои мубрами аҳолии ВМКБ маблағгузорӣ карда шудааст»
Пешвои миллат Эмомалӣ Раҳмон дар шаҳри Хоруғ бо роҳбарон ва фаъолони Вилояти Мухтори Кӯҳистони Бадахшон мулоқот намуданд
Суханронии Президенти Ҷумҳурии Тоҷикистон Эмомалӣ Раҳмон дар мулоқот бо роҳбарон ва фаъолони Вилояти Мухтори Кӯҳистони Бадахшон
Суханронии Президенти Ҷумҳурии Тоҷикистон Эмомалӣ Раҳмон дар варзишгоҳи шаҳри Хоруғ
Президенти Тоҷикистон Эмомалӣ Раҳмон дар шаҳри Хоруғ дар тантанаҳои ҷашни 33-солагии Истиқлоли давлатӣ иштирок ва суханронӣ намуданд
