Байни Ҳукумати Ҷумҳурии Тоҷикистон ва Ҳукумати Ҷумҳурии Корея оид ба маблағҳои қарзии Фонди рушди ҳамкории иқтисодӣ созишнома ба имзо расид
ДУШАНБЕ, 23.11.2023 /АМИТ «Ховар»/. Имрӯз мулоқоти Вазири молияи Ҷумҳурии Тоҷикистон Файзиддин Қаҳҳорзода бо намояндагони Вазорати иқтисод ва молияи Ҷумҳурии Корея баргузор шуд, хабар доданд ба АМИТ «Ховар» дар Вазорати молия.
Дар доираи мулоқот маросими баимзорасонии Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Корея оид ба маблағҳои қарзии Фонди рушди ҳамкории иқтисодӣ баргузор гардид.
Созишномаро Вазири молияи Ҷумҳурии Тоҷикистон Файзиддин Қаҳҳорзода ва Сафири Фавқулода ва Мухтори Ҷумҳурии Корея дар Ҷумҳурии Тоҷикистон Квон Донг Сок ба имзо расониданд.
Ин санад имкон медиҳад, ки аз ҳисоби Фонди рушди ҳамкории иқтисодӣ барои маблағгузории лоиҳаҳои сармоягузории давлатии соҳаҳои иҷтимоию иқтисодӣ қарзҳои имтиёзнок ҷалб шаванд.
Дар заминаи созишнома инчунин созишномаҳои молиявии алоҳида барои татбиқи лоиҳаҳои сармоягузории давлатӣ дар бахшҳои гуногуни иқтисодӣ ба имзо расонида мешаванд.
Маблағҳои ҷалбшаванда барои ҳар лоиҳае, ки дар доираи ин созишнома ба имзо расонида мешаванд, қарзӣ буда, дорои имтиёзнокии баланд ва ба санадҳои стратегии самти идоракунии қарзи давлатӣ мутобиқ мебошад.
Лоиҳаҳо бо назардошти афзалият ба рушди иҷтимоию иқтисодӣ, дастгирии воситаҳои зиндагӣ, муҳайё сохтани шароити зисти аҳолӣ дар маҳалҳо, бахусус тавассути ташкили инфрасохтори иҷтимоӣ барои соҳаҳои маориф, тандурустӣ, обтаъминкунӣ ва ғайра равона мешаванд.
АКС: Вазорати молияи Ҷумҳурии Тоҷикистон
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
Намояндаи Тоҷикистон дар ҳамоиши минтақавии Бонки осиёии сармоягузориҳои инфрасохторӣ иштирок намуд
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
