Бар асари сӯхтор дар меҳмонхонае дар Алмато 13 нафар ҳалок гардид

ДУШАНБЕ, 30.11.23 /АМИТ «Ховар»/. Дар як биное, ки дар Алмаато (Қазоқистон) ба меҳмонхона табдил дода шудааст, сӯхтор ба амал омад, ки дар натиҷа 13 нафар ҳалок шуд. Тавре АМИТ «Ховар» бо истинод ба «Казинформ» хабар медиҳад, дар ин хусус маркази матбуоти раёсати ҳолатҳои фавқулодаи шаҳр иттилоъ додааст.

30 ноябр, соати 05:33 дар бораи сӯхтор дар кӯчаи Адӣ Шарипови шаҳри Алмаато хабар расид. Аввалин ҳайати оташнишонӣ дар 7 дақиқа ба ҷои ҳодиса расид. Ҳангоми расидани ҳайат  таҳхонаи як бинои сеошёна, ки ошёнаи якум ва таҳхонааш ба меҳмонхона табдил ёфта буданд, месӯхт. Масоҳати умумии сӯхтор тахминан 30 метри мураббаъро ташкил медиҳад.

Маркази матбуоти Раёсати тандурустии ҷамъиятии Алмато хабар додааст, ки ду зарардида ба беморхонаи ёрии таъҷилӣ интиқол дода шудаанд. Тибқи маълумоти охирин, дар меҳмонхона дар умум 72 нафар ҷойгир буда, 59 нафар мустақилона тахлия шудаанд. Дар ҷои ҳодиса 46 нафар ва 13 техникаи департаменти ёрии таъҷилӣ кор менамоянд. Сабабҳои ҳодиса муайян мешаванд.

АКС: «Kazinform»