Дар деҳаи «Ваҳдат»-и ноҳияи Хуросон пули мошингузар ба истифода дода шуд
ХУРОСОН, 19.11.2023 /АМИТ «Ховар»/. Дар деҳаи “Ваҳдат”-и Ҷамоати деҳоти Фахрободи ноҳияи Хуросон пули мошингузар бо иқтидори 60 тонна мавриди баҳрабардорӣ қарор дода шуд. Дар ин хусус сармеъмори ноҳияи Хуросон Қурбонмуҳаммад Қурбонов ба хабарнигори минтақавии АМИТ «Ховар» Субҳониддини Маҳмуд иттилоъ дод.
Пули ин деҳа дар натиҷаи бориши зиёд ва омадани сел корношоям шуда, рафту омади сокинони деҳа мушкил гардида буд.
Бо дастгирии Мақомоти иҷроияи ҳокимияти давлатии ноҳияи Хуросон ва саҳми аҳолии ин деҳа бо маблағи нуҳсад ҳазор сомонӣ пули деҳа бунёд шуд. Ба хотири он ки пул бо омадани сели зиёд вайрон нагардад, таҳкурсии онро тибқи қоидаҳои меъморӣ мустаҳкам бунёд намудаанд, то ба селҳои азим тобовар бошад. Акнун рафту омади сокинони деҳаҳои Ваҳдат ва Ҳисорободи Ҷамоати деҳоти Фахробод дар ҳамаи фасли сол ба маркази ноҳия ва ҷумҳурӣ осон гардид.
Мақомоти иҷроияи ҳокимияти давлатии ноҳияи Хуросон барои дар сатҳи баланд пешвоз гирифтани ҷашни 35-солагии Истиқлоли давлатии Ҷумҳурии Тоҷикистон сохтмони 244 иншооти гуногунро ба нақша гирифтааст, ки то имрӯз 109 иншоот мавриди баҳрабардорӣ қарор гирифтаанд.
Мувофиқи нақша, то ҷашни 35-солагии Истиқлоли давлатӣ 21 иншоот дар соҳаи тандурустӣ, 23 иншоот дар соҳаи маориф, 15 иншоот дар соҳаи саноат ва дигар иншооти варзишию фарҳангӣ ва марказҳои хизматрасонию биноҳои истиқоматӣ сохта, ба истифода дода мешаванд.
АКС: Мақомоти иҷроияи ҳокимияти давлатии ноҳияи Хуросон
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Фархор бинои нави маъмурии Ҷамоати деҳоти «Фархор» сохта мешавад
Роҳҳои маҳаллии шаҳри Панҷакент мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Истаравшан 990 иншоот бунёд, таъмир ва навсозӣ карда мешаванд
Сарвари давлат Эмомалӣ Раҳмон дар ноҳияи Данғара дар Семинар-машварати ҷумҳуриявии кишоварзон ва мулоқот бо фаъолон иштирок намуданд
Дар шаҳри Истаравшан 4 муассисаи таълимӣ сохта мешавад
Президенти Ҷумҳурии Тоҷикистон Эмомалӣ Раҳмон дар ноҳияи Данғара корхонаи навбунёди ҶДММ «Оксус Интеразия»-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Данғара ба сохтмони марҳилаи дуюми корхонаи ҶДММ «Сипар Групп» санги асос гузоштанд
Пешвои миллат Эмомалӣ Раҳмон дар ноҳияи Данғара ба бунёди коргоҳи дару тиреза ва панелҳои алюминии ҶДММ «Куруши Кабир Индастри» санги асос гузоштанд
35-СОЛАГИИ ИСТИҚЛОЛИ ДАВЛАТӢ. Роҳи деҳаи Нурободи ноҳияи Шаҳринав мумфарш карда шуд
