Дар Душанбе Озмуни ҷумҳуриявии «Китоби сол-2023» ҷамъбаст гардид

Ноябрь 30, 2023 10:31

ДУШАНБЕ, 30.11.2023 /АМИТ «Ховар»/.  29 ноябр дар Вазорати фарҳанги Ҷумҳурии Тоҷикистон Озмуни ҷумҳуриявии «Китоби сол» ҷамъбаст гардида, ғолибони он муайян шуданд. Дар ин хусус АМИТ «Ховар» бо истинод ба Вазорати фарҳанги ҷумҳурӣ хабар медиҳад.

Дар бахши китоби назм ҷои якум ба китоби  «Меҳвари меҳр»-и  Раҳмат Назрӣ (нашриёти «Адиб»),  ҷои дуюм ба китоби «Шаббода»-и Иззатбек Идизода (нашриёти «Адиб»)  ва ҷои сеюм ба Исмоил Зарифӣ барои таҳияи 3 китоби назм аз шеъри Эрон- «Ҳафт китоб», «Девони ғазалиёт» ва «Куллиёт» (ҶДММ «ЭР — граф» – 2023) сазовор дониста шуд.

Дар бахши китоби наср ҷои якумро китоби «Барфи хунолуд»-и Сироҷиддин Икромӣ (нашриёти «Адиб»),  ҷои дуюмро китоби  «Два цвета осени»-и Мансур Суруш (нашриёти «Шарқи озод») ва ҷои сеюмро «Нома ба бародар»-и Латофат Кенҷаева (ТҶБ «Истиқбол» Душанбе – 2023) соҳиб шуданд.

Дар бахши асарҳои публисистӣ ҷои якум ба китоби «Достони Нозкӯл»-и  Ҷонибеки Асрориён (ҶДММ «Балоғат»),  ҷои дуюм ба китоби «Касбият, садоқат, ҷасорат»-и Далер Абдулло (нашриёти  «Шарқи озод»), ҷои сеюм ба  китоби «Бонувони Тоҷикистон»: чеҳраҳо, истиқлолият» (нашриёти «Шарқи озод») дода шуд.

  Дар бахши асарҳои назми бачагона ҷои якумро китоби Ато Ҳамдам «Чароғи раҳнамо» — барои асарҳои драматургӣ (ҶДММ «ЭР — граф» — 2023), ҷои дуюмро китоби  «Яхши бола қандай бӯлар?..»-и Султонмурод Ҳожибоев («Ношир» — 2023),  ҷои сеюмро асари «Афсонаи қалам»-и Анӯшервони Алишер (ТҶБ «Истиқбол» Душанбе — 2023) гирифтанд.

Дар бахши асарҳои насри бачагона ҷои якум ба китоби «Гавазн ва шикорчӣ»-и Маҷид Салим, («Адабиёти бачагона»),   ҷои дуюм ба «Қиссаи гови алои момои Шарифамоҳ»-и  Муродалӣ Собир (ҶДММ «Бебок») ва ҷои сеюм барои таҳқиқи жанри эстрада ба китоби «Сароянда ва мусиқии эстрадӣ»-и Алихон Маҳмадов (ҶДММ «Сифат чоп») дода шуд.

Дар бахши асарҳои тарҷумаи бадеӣ ҷои якум ба китоби  «Бегуноҳнинг ӯлими»-и Амонбой Жуманов ва Кароматуллоҳ Мирзо (ҶДММ «ЭР — граф» – 2023), ҷои дуюм ба «Афсонаҳои халқи тоҷик, Таджикские народные сказки 4-5» (Нашриёти «Адабиёти бачагона») ва ҷои сеюм барои маҷмуи мақолаҳои «Ифтихори ватандорӣ» ба Носирҷон Маъмурзода (ҶДММ «Матбаа» –и  шаҳри Бохтар) дода шуд.

Инчунин барои иштирок дар озмуни «Китоби сол — 2023» китобҳои зерин:  «Ёди модар…»-и Амир Сайиди Мункӣ (ҶДММ «Балоғат»- 2023), «Кӯзаи нақшин»-и Рухшона Мирзоева (ТҶБ «Истиқбол», Душанбе – 2023),  «10 барг орзу»-и Сунатулло Одинаев (ТҶБ «Истиқбол», Душанбе – 2023) бо Ифтихорномаи Вазорати фарҳанги Ҷумҳурии Тоҷикистон қадрдонӣ шуданд.

АКС: Вазорати фарҳанги Ҷумҳурии Тиҷикистон

Ноябрь 30, 2023 10:31

Хабарҳои дигари ин бахш

«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад
Дар Душанбе масъалаи ҷалби сармояи ширкатҳои Қазоқистон ба иқтисоди Тоҷикистон баррасӣ шуд
Намояндагони Ҳизби Халқии Демократии Тоҷикистон дар Осорхонаи миллӣ бо тамаддуни қадимии тоҷикон шинос шуданд
«TASHKENT GRAND SLAM». Ҷудочии тоҷик Эмомалӣ Нуралӣ ба даври финалӣ баромад
Дар моҳи март сокинони Тоҷикистонро чӣ гуна ҳаво интизор аст?
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҳангоми истифодаи хабару маводи сомона истинод ба www.khovar.tj ҳатмӣ аст!
Дурнамои густариши ҳамкории Тоҷикистон ва Корпоратсияи байналмилалии молиявӣ баррасӣ гардид
Дар Вазорати фарҳанги Тоҷикистон бо гурӯҳи адибон мулоқот доир гардид
Дар Анталия раванди густариши муносибатҳои дуҷонибаи Тоҷикистон ва Туркия мавриди баррасӣ қарор гирифт
Имрӯз даври якуми бақайдгирии довталабон барои иштирок дар имтиҳонҳои марказонидаи дохилшавӣ оғоз шуд