Дар Тоҷикистон дар 9 моҳ 6,3 ҳазор тонна макарон истеҳсол шудааст
ДУШАНБЕ, 06.11.2023. /АМИТ «Ховар»/. Дар айни замон дар Тоҷикистон 31 корхона ба истеҳсоли макарон машғул буда, дар 9 моҳи соли равон 6,3 ҳазор тонна ин навъи маҳсулот истеҳсол гардидааст.
Талаботи аҳолии мамлакат ба макарон дар як сол 13,9 ҳазор тоннаро ташкил медиҳад.
Дар шаҳри Душанбе 9 корхонаи маҳсулоти макаронӣ фаъолият дорад.
Дар 9 моҳи соли 2023 дар пойтахт 3,9 ҳазор тонна маҳсулоти макаронӣ истеҳсол шудааст, ки 62,0 фоизи маҳсулоти макаронии ҷумҳуриро ташкил медиҳад.
Ёдовар мешавем, ки чанде пеш дар шаҳри Душанбе аз ҷониби Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ба истиқболи сазовори ҷашни умумимиллии 35-солагии Истиқлоли давлатӣ ва Солҳои рушди саноат (2022-2026), инчунин амалӣ намудани ҳадафи чоруми стратегӣ-саноатикунонии босуръати мамлакат 7 корхонаи калони саноатӣ бо беш аз 4000 ҷойи кор ба истифода дода шуд.
Инҳо корхонаҳои дӯзандагӣ, истеҳсоли қолинҳо, нассоҷӣ, истеҳсоли маҳсулоти қаннодӣ, истеҳсоли равған, истеҳсоли таҷҳизоти барқӣ ва истеҳсоли макарон мебошанд.
Бунёду ба истифода додани корхонаҳои нави саноатӣ барои таъсиси ҷойҳои нави корӣ, таъмини аҳолӣ бо шуғли доимӣ, беҳдошти сатҳи зиндагии мардум, тараққиёти иқтисодиёти мамлакат ва рушди соҳаи саноат заминаи мусоид фароҳам меорад.
АКС: Хадамоти матбуоти Президенти ҶТ/АМИТ «Ховар»
Дар Конибодом вазъи соҳаи кишоварзӣ ва рафти ҷамъоварии пахта баррасӣ шуд
ПАХТАПАРВАРӢ. Кишти дер, нархи пасти пахта ва норасоии техникаи муосир мушкилоти асосии соҳа маҳсуб мешаванд
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
СТРАТЕГИЯИ РУШДИ ИҚТИСОДИ «САБЗ». Дар доираи амали он беш аз 500 ҳазор ҳисобкунаки электронии барқ насб гардидааст
