ЭТИКАИ КАСБИИ РОНАНДАГОН. Дар Корхонаи коммуналии воҳиди давлатии «Автобус-1» доир ба риояи қоидаҳои ҳамлу нақли мусофирбарӣ машварат доир гардид

Ноябрь 2, 2023 10:19

ДУШАНБЕ, 02.11.2023 /АМИТ «Ховар»/. Бо мақсади баланд бардоштани сатҳу сифати хизматрасонии нақлиётӣ дар пойтахт, пеш аз ҳама риояи фарҳанги миллӣ, қоидаҳои ҳаракат дар роҳ, одоби муошират ва этикаи касбии ронандагон дар асоси нақшаи чорабиниҳои тасдиқнамудаи Мақомоти иҷроияи ҳокимияти давлатии шаҳри Душанбе аз ҷониби гурӯҳи корӣ дар Корхонаи коммуналии воҳиди давлатии «Автобус-1»-и шаҳри Душанбе бо кормандон ва ронандагон машварати омӯзишӣ доир гардид. Дар ин хусус АМИТ «Ховар» бо истинод ба шуъбаи иттилоти Муассисаи давлатии коммуналии «Душанбенақлиётхадамотрасон» хабар медиҳад.

Дар машварат аз ҷониби гурӯҳи корӣ дастовардҳои соҳаи нақлиёти мусофирбари пойтахт дар солҳои охир иброз гардида, таъкид шуд, ки давоми солҳои охир парки корхонаҳои нақлиётии мусофирбари пойтахт пурра аз нав ва шумораи зиёди автобусу троллейбусҳои наву муосир харидорӣ шуданд, ки имрӯзҳо ба сокинон ва меҳмонони пойтахт хизмат мерасонанд. Дар баробари ин ҳама ғамхориҳо кормандони соҳаро мебояд ба сокинон ва меҳмонони пойтахт хизматрасонии сатҳи баланд пешниҳод намоянд.

Ҳамчунин доир ба арзу шикояти шаҳрвандон нисбат ба фаъолияти баъзе ронандагони нақлиёти мусофирбари пойтахт, ки ҳангоми хизматрасонӣ қоидаҳои ҳамлу нақли мусофирбариро риоя нанамуда, ҳамзамон бо мусофирон дағалона рафтор менамоянд, изҳори нигаронӣ шуд.

Дар робита ба ин масъулини корхона супориш гирифтанд, ки доир ба бартараф намудани камбудиҳои ҷойдошта тадбирҳои зарурӣ андешида, раванди фаъолияти ронандагонро дар хатҳои сайр пайваста зери назорат қарор диҳанд.

Бояд тазакур дод, ки машварати омӯзишӣ тибқи ҷадвали Мақомоти иҷроияи ҳокимияти давлатии шаҳри Душанбе дар ҳама корхона ва ҷамъиятҳои нақлиётии мусофирбари пойтахт гузаронида мешавад.

АКС: Муассисаи давлатии коммуналии «Душанбенақлиётхадамотрасон»

Ноябрь 2, 2023 10:19

Хабарҳои дигари ин бахш

Рушди ҳамкории Тоҷикистон ва Туркия дар соҳаи сайёҳӣ тақвият меёбад
Дар Вазорати молияи Тоҷикистон барои маблағгузории лоиҳаи «Таҷдиди зеристгоҳи Суғд-500» созишномаҳо ба имзо расиданд
Раиси шаҳри Душанбе Рустами Эмомалӣ бо директори минтақавии ширкати «BYD»-и Чин дар Осиёи Марказӣ мулоқот намуданд
Қарорҳои Ҳукумати Ҷумҳурии Тоҷикистон
Фармонҳои Президенти Ҷумҳурии Тоҷикистон
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Президенти Ҷумҳурии Тоҷикистон Эмомалӣ Раҳмон дар Вазорати мудофиа ва Қувваҳои Мусаллаҳ таъйиноти кадрӣ ба амал оварданд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
ГРАНТИ ПРЕЗИДЕНТИ ТОҶИКИСТОН ДАР СОЛИ 2024. Вазорати меҳнат, муҳоҷират ва шуғли аҳолӣ ҳунармандонро барои дарёфти ин грант ба озмун даъват менамояд
Дар Душанбе ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор гардид
Соли 2024 дар шаҳри Душанбе Соли маърифати экологӣ эълон шуд
Доир ба дастовардҳои иқтисодӣ-иҷтимоӣ ва имконоти сармоягузорию сайёҳии Тоҷикистон ҳамоиш баргузор гардид