ИММУНИЗАТСИЯИ ОММАВӢ. Дар шаҳри Турсунзода ин маъракаи муҳим муташаккилона мегузарад
ДУШАНБЕ, 21.11.2023 /АМИТ «Ховар»/. Дар Шабакаи Кумаки аввалини тиббӣ-санитарӣ (КАТС)-и шаҳри Турсунзода ва марказҳои тиббӣ иммунизатсияи оммавӣ бар зидди сирояти пневмокок дар байни кӯдакони аз 1,3 то 5-сола дар сатҳи баланд гузаронида мешавад. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳр хабар доданд.
Тавре иттилоъ дода шуд, имрӯзҳо барои дар сатҳи баланд гузаронидани ин маъракаи муҳим тамоми шароити зарурӣ муҳайё мебошад. Волидоне, ки фарзандони аз 15-моҳа то 5-сола доранд, метавонанд ба марказҳои саломатии деҳот муроҷиат намуда, кӯдакони хурдсоли худро аз ваксинаи пневмококӣ гузаронанд.
Тавре қаблан иттилоъ додем, аз 20 то 30 ноябр дар Ҷумҳурии Тоҷикистон рӯзҳои иммунизатсияи оммавӣ гузаронида мешаванд. Ин тадбир бар зидди сирояти пневмокок дар байни кӯдакони аз 1,3 то 5- сола амалӣ мешавад.
Дар саросари ҷаҳон сирояти пневмококкӣ яке аз мушкилиҳои ҷиддии саломатии чамъиятӣ ба ҳисоб меравад. Сирояти пневмококкӣ сабаби зиёдшавии бемориҳои вазнини инвазивӣ, ба монанди менингит, сепсис ва пневмония, инчунин бемориҳои сабуктар, чун отити гӯши миёна, синусит ва бронхит мегардад. Аз рӯи натиҷаҳои баҳодиҳии Созмони ҷаҳонии тандурустӣ, ҳамасола дар саросари ҷаҳон беш аз 500 ҳазор кӯдакони то 5-сола аз бемориҳои пневмококкӣ, алалхусус кӯдакони то 2-солаи давлатҳои рӯ батараққӣ мефавтанд.
Солҳои пеш ин бемориҳо сабаби марги бармаҳал ва маъюбии якумрӣ мегардиданд. Ҳоло миллионҳо кӯдакон бар зидди ин бемориҳо эм шуда, солимии онҳо ҳифз мешавад. Ваксинаи пневмококӣ тамоман зарар надорад.
Бо сари вақт гузаронидани иммунизатсия кӯдаконро аз бемориҳои сироятӣ муҳофизат намудан мумкин аст. Бо дасткашӣ аз иммунизатсия ҳар сокини мамлакат саломатӣ ва ҳаёти кӯдаконро зери хатар мегузорад.
АКС: Мақомоти иҷроияи ҳокимияти давлатии шаҳри Турсунзода
Истироҳатгоҳи маърифатӣ ва фароғатии «Камароб» ба фаъолият оғоз намуд
«ШОҲНОМА – ШОҲАСАРИ МОНДАГОР ВА ПАЙВАНДГАРИ НАСЛҲОИ ОРИЁӢ». Дар Душанбе конфронси байналмилалӣ баргузор шуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
