КОНСТИТУТСИЯ — КАФОЛАТДИҲАНДАИ ҲУҚУҚИ ИНСОН. Дар Кумитаи кор бо занон ва оила ҳамоиш баргузор шуд
ДУШАНБЕ, 03.11.2023 /АМИТ «Ховар»/. Бо ибтикори Кумитаи кор бо занон ва оилаи назди Ҳукумати Ҷумҳурии Тоҷикистон ҷиҳати сазовор таҷлил намудани Рӯзи Конститутсияи Ҷумҳурии Тоҷикистон дар мавзуи «Конститутсия — кафолатдиҳандаи ҳуқуқи инсон» ҳамоиш баргузор гардид. Дар ин хусус АМИТ «Ховар» бо истинод ба Кумитаи кор бо занон ва оила хабар медиҳад.
Дар ҳамоиш намояндагони Маркази миллии қонунгузории назди Президенти Ҷумҳурии Тоҷикистон, Суди Олии Ҷумҳурии Тоҷикистон, роҳбарият ва кормандони дастгоҳи марказии Кумита, кормандон, устодон ва донишҷӯдухтарони Маркази таълимии «Чароғи ҳидоят», шунавандагони даври омӯзишии «Мактаби сарварӣ»-и назди Кумита иштирок намуданд.
Иброз гардид, ки Конститутсия ва Қонуни Ҷумҳурии Тоҷикистон «Дар бораи кафолатҳои давлатии баробарҳуқуқии мардону занон ва имконияти баробари амалигардонии онҳо» муносибатҳоро оид ба таъмини кафолатҳои конститутсионии баробарҳуқуқии мардону занон дар соҳаҳои иҷтимоӣ, сиёсӣ, фарҳангӣ ва дигар соҳаҳо ба танзим дароварда, ҳуқуқпоймолкуниро аз рӯи аломати ҷинсӣ пешгирӣ менамояд ва амалигардонии имконоти баробарҳуқуқии онҳоро муқаррар менамояд.
Баробарҳуқуқӣ- ин ҳуқуқ, уҳдадорӣ ва масъулияти баробари мардон ва занон дар назди қонун мебошад. Аз ин рӯ, Конститутсия шиносномаи миллату давлат, санади танзимкунандаи низоми давлатдорӣ ва муҳимтар аз ҳама, кафили боэътимоди ҳуқуқу озодиҳои инсон ва шаҳрвандони мамлакат мебошад.
Бо назардошти муҳимияти масъала дар кори ҳамоиш омилҳо ва марҳилаҳои ворид гардидани тағйиру иловаҳо ба Конститутсияи Ҷумҳурии Тоҷикистон мавриди баррасӣ қарор гирифта, иштирокдорон доир ба он табодули афкор намуданд.
АКС: Кумитаи кор бо занон ва оилаи назди Ҳукумати Ҷумҳурии Тоҷикистон
Истироҳатгоҳи маърифатӣ ва фароғатии «Камароб» ба фаъолият оғоз намуд
Барои пешгирии ҳодисаҳои ғарқшавӣ дар шаҳру ноҳияҳои Тоҷикистон корҳои фаҳмондадиҳӣ гузаронида мешаванд
Корвони «Навои модарони ваҳдатсаро» бо фаъолияти корхонаҳои саноатии ноҳияи Ёвон шинос шуданд
АЗ РӮЗГОРИ ОДАМОНИ НАҶИБ. Ёде аз хизматҳои намоёни арбоби давлатӣ ва ҳуқуқшиноси варзида Ҳомиддин Шарифов
Сафари Корвони «Навои модарони ваҳдатсаро» ба шаҳру ноҳияҳои Тоҷикистон оғоз шуд
Имсол дар Тоҷикистон чанд дармонгоҳи нав сохта шуд?
Имсол дар истироҳатгоҳи беруназшаҳрии «Шарора» 720 нафар кӯдакону наврасон таътили худро босамар мегузаронанд
ТАЪТИЛИ БОФАРОҒАТ. Имсол 1000 нафар кӯдаку наврас ба истироҳатгоҳи беруназшаҳрии «Зимчуруд» ҷалб мегарданд
Дар Тоҷикистон даври сеюми Форуми коршиносони Осиёи Марказӣ — Корея доир мешавад
Дар Душанбе маъракаи хунсупории шаҳрвандон доир гардид
Байни Кумита оид ба таҳсилоти ибтидоӣ ва миёнаи касбии Тоҷикистон ва Ташкилоти ғайридавлатии «Good Neighbors» Ёддошти тафоҳуми ҳамкорӣ ба имзо расид
Дар Чин дастовардҳои Тоҷикистон дар самти ҳуқуқи инсон муаррифӣ гардиданд
