КОНСТИТУТСИЯ — САНАДИ ТАҚДИРСОЗ. Дар ноҳияи Варзоб бахшида ба ин ҳуҷҷати муқаддас ҳамоиш баргузор шуд

Ноябрь 2, 2023 15:14

ДУШАНБЕ, 02.11.2023 /АМИТ «Ховар»/. 6 ноябри соли 1994 аввалин маротиба дар таърихи давлатдории навини миллати тоҷик Конститутсияи Ҷумҳурии Тоҷикистон ба сифати Қонуни олии мамлакат бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон тариқи раъйпурсии умумихалқӣ қабул шуд. Ин санади муқаддасу сарнавиштсоз ифодагари азму иродаи мардум буда, роҳи минбаъдаи рушду такомули ҷомеаи моро муайян менамояд. Имрӯз бо боварӣ гуфта метавонем, ки Конститутсияи мамлакат ҷиҳати бунёди ояндаи дурахшони миллати тоҷик санади асосӣ мебошад. Ин нукта  зимни  баргузории ҳамоиш таҳти унвони «Конститутсия – муқаддасоти Ҷумҳурии Тоҷикистон»  бахшида ба Рӯзи Конститутсия дар ноҳияи Варзоб иброз гардид. Дар ин хусус АМИТ «Ховар»  мақомоти иҷроияи ҳокимияти давлатии ноҳия хабар медиҳад.

Ҳамоиш бо ташаббуси ноҳияи Варзоб дар ҳамкорӣ бо Кумитаи иҷроияи Ҳизби Халқии Демократии Тоҷикистон  доир гардид.

Тазаккур дода шуд, ки Конститутсияи Тоҷикистон инсон ва ҳуқуқу озодиҳои ӯро ба сифати арзишҳои олӣ эътироф намуда, тамоми рукнҳои давлатро барои амалан таъмин намудани ҳифзу риояи он масъул сохтааст.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар яке аз паёмҳо ба Маҷлиси Олӣ иброз дошта буданд, ки «ин санади муқаддас ва тақдирсоз мисли чароғе аст, ки роҳи рушди давлати соҳибистиқлоли тоҷикон ва мардуми онро барои садсолаҳо мунаввар менамояд. Мову шумо бояд кӯшиш намоем, ки онро чун муқаддасоти миллӣ ва дастури зиндагии наслҳои имрӯзу фардои мардуми тамаддунсози тоҷик эҳтиром намоем ва ҳамеша аз рӯи муқаррароти он зиндагонӣ ва амал намоем».

Дар ҳамоиш дар мавзуъҳои «Конститутсия–иродаи давлатдории миллӣ», «Конститутсия–рамзи олии истиқлоли давлат» ва «Конститутсия ба сифати Қонуни олӣ» маърузаҳо пешниҳод шуданд. Аз ҷумла, гуфта шуд, ки Конститутсия санади асосӣ шинохта мешавад. Бо соҳибистиқлол шудани Тоҷикистон зарурати ба низом даровардани самтҳои асосии сиёсати дохилӣ ва хориҷии давлати тоҷикон пеш омад. Забони тоҷикӣ чун забони давлатӣ расман эълон гардид ва рамзҳои давлатӣ ҳамчун муқаддасот шинохта шуданд.

АКС: Ташкилоти ҷамъиятии ҷавонон «Созандагони Ватан»-и ноҳияи Варзоб 

 

Ноябрь 2, 2023 15:14

Хабарҳои дигари ин бахш

Кормандони Кумита оид ба таҳсилоти ибтидоӣ ва миёнаи касбӣ суханронии Сарвари давлатро ба муносибати Рӯзи дониш якҷоя тамошо намуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд
«Барномаи рушди соҳаҳои таҳсилоти ибтидоӣ ва миёнаи касбии Ҷумҳурии Тоҷикистон барои солҳои 2026-2030» қабул гардид
Татбиқи лоиҳаҳои сармоягузорӣ дар соҳаи таҳсилоти ибтидоӣ ва миёнаи касбӣ бо намояндаи Бонки Осиёии рушд баррасӣ гардид
Дар Душанбе оид ба татбиқи иммунизатсия бар зидди вируси папилломаи одам машварати омӯзишӣ оғоз шуд
Татбиқи лоиҳаи «Беҳтарсозии малакаҳои касбӣ ва имконияти бокортаъминшавӣ» баррасӣ гардид
НЕЪМАТЕ ХУШТАР ЗИ ИСТИҚЛОЛ НЕСТ! Муҳимтарин омили таҳкими истиқлоли Тоҷикистон густариши худшиносию худогоҳии миллӣ аст
Сиёсати иҷтимоии Пешвои миллат такягоҳи суботи иҷтимоӣ ва рушди устувори давлат мебошад
Беш аз 15 ҳазор оилаҳои дар минтақаи зериобшавандаи НБО «Роғун» қарордошта бо манзили доимии зист ва қитъаи замини наздиҳавлигӣ таъмин гардиданд
Тоҷикони муқими шаҳри Толяти аз пешрафту дастовардҳои Тоҷикистон ифтихор менамоянд
Дар Тоҷикистон Рӯзҳои иммунизатсияи иловагӣ бар зидди бемориҳои сурхча ва гулафшон оғоз гардид
Мутахассисон баланд шудани ҳолати ифлосшавии ҳавои атмосфериро дар Тоҷикистон пешгӯӣ менамоянд