«МАБЛАҒГУЗОРИИ ИҚЛИМӢ». Дар Душанбе оид ба ин мавзуъ машварати омӯзишӣ доир шуд
ДУШАНБЕ, 10.11.2023 /АМИТ «Ховар»/. 8 ноябр бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон ва дастгирии Бонки Осиёии Рушд дар шаҳри Душанбе бо иштироки коршиносони байналмилалӣ ва намояндагони вазорату идораҳои дахлдор дар мавзуи «Маблағгузории иқлимӣ» машварати омӯзишӣ баргузор гардид. Дар ин хусус АМИТ «Ховар» бо истинод ба Кумитаи ҳифзи муҳити зист хабар медиҳад.
Дар ифтитоҳи машварат Раиси Кумитаи ҳифзи муҳити зист ва директори кишварии Намояндагии доимии Бонки Осиёии Рушд дар Тоҷикистон сухан гуфтанд. Аз ҷумла, иброз гардид, ки тағйирёбии иқлим ба миқдору сифати захираҳои об, соҳаҳои иқтисоди мамлакат ва солимии аҳолӣ таъсири манфӣ мерасонад.
Барои пешгирӣ аз ин пайомадҳои ногувор дар Ҷумҳурии Тоҷикистон барномаҳои миллии рушд ва нақшаҳои амал, аз ҷумла доир ба беҳдошти муҳити зист, биёбоншавӣ, идоракунии об ва замин, обхезӣ, инчунин баланд бардоштани маърифати экологии аҳолӣ татбиқ мешаванд.
Баъдан оид ба мавзуи машварат коршиносони байналмилалӣ ва мутахассисони соҳавӣ рӯнамоҳо манзур намуданд.
Ҳадафи асосии машварати омӯзишӣ — баланд бардоштани сатҳи маълумотнокӣ ва таҳкими дониши иштирокчиён оид ба маблағгузории иқлимӣ буда, инчунин баррасии мушкилиҳо ва имконияти ҷалби сармоя барои самтҳои афзалиятноки Саҳми дар сатҳи миллӣ муйяншуда мебошад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон








Барои рушди соҳаи боғу токпарварӣ — барномаи чоруми давлатӣ татбиқ мегардад
«БАРНОМАИ МИЁНАМУҲЛАТИ РУШДИ ИҚТИСОДИ РАҚАМӢ».Мутахассис ин мавзуъро шарҳ медиҳад
ТИҶОРАТИ РАҚАМӢ. Он ба густариши фаъолияти соҳибкорӣ ва баланд бардоштани рақобатпазирии иқтисоди миллӣ мусоидат менамояд
МАСЛИҲАТИ МУТАХАССИС. Барои ҳифзи боғҳо корҳои агротехникии тирамоҳӣ аҳамияти муҳим доранд
Истгоҳи обуҳавосанҷии Горбунов дар пиряхи «Тоҷикистон» навсозӣ карда мешавад
ҚАТЪНОМАИ ТАЪРИХӢ БАРОИ ОСИЁИ МАРКАЗӢ. Чӣ гуна ташаббуси Президенти Тоҷикистон зеҳни сунъиро ба рӯзномаи Маҷмаи Умумии СММ ворид кард
Ба бунёди боғҳои интенсивӣ ва суперинтенсивӣ таваҷҷуҳро бештар намоем. Шарҳи коршинос
Ҳаҷми маблағгузории Фонди иқлими сабз барои Тоҷикистон ба 235 миллион доллар расидааст
Ҷаласаи навбатии Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир шуд
«БАРНОМАИ ДАВЛАТИИ РУШДИ МАЪРИФАТ ВА ФАРҲАНГИ ЭКОЛОГӢ». Он ба баланд бардоштани фарҳанги экологии аҳолӣ равона шудааст
Тоҷикистон дар COP31 таъсиси платформаи минтақавии инноватсияҳои «сабз»-ро дар Осиёи Марказӣ пешниҳод намуд
Директори Агентии авиатсияи гражданӣ Ҳабибулло Назарзода дар Ассамблеяи 43-юми ИКАО дар шаҳри Монреали Канада иштирок намуд






