Маъракаи даъвати ҳарбӣ дар шаҳри Бӯстон ба анҷом расид
ДУШАНБЕ, 02.11.2023 /АМИТ «Ховар»/. Дар шаҳри Бӯстон маъракаи даъвати навбатии шаҳрвандони солҳои таваллуди 1996-2005-и Ҷумҳурии Тоҷикистон ба хизмати ҳарбӣ пурра ба анҷом расид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад.
Маҳз фаъолияти босамари ситоди шаҳрӣ, комиссияи даъвати шаҳрвандон ба сафи Қувваҳои Мусаллаҳи ҷумҳурӣ, амалӣ гардонидани тадбирҳои судманд ва корҳои тарғиботиву ташвиқотӣ, анҷом додани мулоқоту суҳбатҳо бо насли ҷавон ва волидайни онҳо, баргузории силсилачорабиниҳои маърифатӣ, фарҳангӣ ва варзишии «Корвони ватандӯстӣ», рӯзи дарҳои кушод дар қисмҳои ҳарбӣ ва дигар чорабиниҳои ҳадафманд имкон дод, ки нақшаи даъват иҷро гардад.
Ҷиҳати ҷалби ихтиёриёни ҷавон ба даври кӯтоҳмуддати ронандатайёркунӣ дар ташкилоти ҷамъиятии «Мададгори мудофиа» низ ба иҷрои саривақтиву босифати нақшаи даъват мусоидат намуд. 19 ҷавонписар дар даври кӯтоҳмуддати ронандагӣ ба омӯзиш фаро гирифта шуда, соҳиби шаҳодатномаи ронандагӣ гардида, ба сафи Қувваҳои Мусаллаҳи Тоҷикистон ҷалб гардиданд.
Бояд гуфт, ки шаҳри Бӯстон дар байни шаҳру ноҳияҳои вилояти Суғд давоми 2 соли охир маъракаи даъвати ҷавонписарон ба сафи Қувваҳои Мусаллаҳи Ҷумҳурии Тоҷикистонро аввалин шуда, ба анҷом мерасонад.
АКС: Мақомоти иҷроияи ҳокимияти давлатии шаҳри Бӯстон
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
