Маркази саломатии шаҳри Турсунзода ба 20 ҳазор аҳолии маҳал кумаки аввалини тиббӣ мерасонад

ДУШАНБЕ, 10.11.2023 /АМИТ «Ховар»/. Бо дастгирии Мақомоти иҷроияи ҳокимияти давлатии шаҳри Турсунзода ва ҷалби шарикони рушд дар маркази деҳоти 10-солагии Истиқлолияти шаҳри Турсунзода Маркази саломатии деҳавии «Коммунизм» аз нав бунёд гардид, ки акнун табибони марказ метавонанд ба беш аз 20 ҳазор аҳолии маҳал кумаки аввалини тиббӣ расонанд. Дар ин хусус ба АМИТ «Ховар» дар мақомоти шаҳри Турсунзода хабар доданд.

Дар расми ифтитоҳи бинои хуштарҳу замонавӣ, ки бо таҷҳизоти замонавӣ муҷаҳҳаз гардида, дорои шароити хуби корӣ аст, Раиси шаҳри Турсунзода Парвиз Акрамзода иштирок намуда, табибону сокинони деҳотро бо ин рӯйдоди фараҳбахш табрик гуфт.

Бинои марказ аз 4 ҳуҷраи корӣ — дандонпизишкӣ, духтури оилавӣ, духтури занона, доругузаронӣ ва қабулгоҳ иборат буда, ба аҳолӣ 12 нафар духтурон ва ҳамширагони тиббии ботаҷриба хизмат мерасонанд.

АКС: Мақомоти иҷроияи ҳокимияти давлатии шаҳри Турсунзода