Намояндаи Тоҷикистон дар ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар Минск иштирок намуд
ДУШАНБЕ, 30.11.2023 /АМИТ «Ховар»/. 29 ноябр ҷаласаи нахустини Комиссия оид ба ҳуқуқи инсони Иттиҳоди Давлатҳои Мустақил дар шаҳри Мински Ҷумҳурии Беларус баргузор гардид, ки дар кори он Ваколатдор оид ба ҳуқуқи инсон дар Ҷумҳурии Тоҷикистон Умед Бобозода иштирок намуд. Дар ин хусус ба АМИТ «Ховар» дар мақомоти Ваколатдор хабар доданд.
Тибқи барномаи ҷаласаи Комиссия масъалаҳо доир ба интихоби раиси Комиссия оид ба ҳуқуқи инсони Иттиҳоди Давлатҳои Мустақил, қабули Қоидаҳои тартиботи комиссия, Муроҷиатномаи аъзои комиссия бахшида ба ҷашни 75-солагии Эъломияи умумии ҳуқуқи башар, тарҳрезии лоиҳаи нақшаи кори Комиссия оид ба ҳуқуқи инсон барои солҳои 2024-2025, инчунин оид ба макон ва замони баргузор намудани ҷаласаи навбатии Комиссия оид ба ҳуқуқи инсони Иттиҳоди Давлатҳои Мустақил матраҳ гардиданд.
Баъд аз баргузории ҷаласа намояндагони комиссия бо Котиби генералии Иттиҳоди Давлатҳои Мустақил Сергей Лебедев дар алоҳидагӣ мулоқот намуданд. Зимни мулоқот Умед Бобозода оид ба дастовардҳои Ҷумҳурии Тоҷикистон дар самти таъмини эҳтиром, риоя ва ҳифзи ҳуқуқи инсон ибрози назар намуда, гуфт, ки дар ин самт аз ҷониби Ҳукумати Ҷумҳурии Тоҷикистон пайваста тадбирҳои судманд андешида мешаванд.
Дар ҳошияи баргузории ҷаласа намояндагони Ҷумҳурии Тоҷикистон бо Ваколатдор оид ба ҳуқуқи инсони Федератсияи Русия Татяна Москалкова вохӯрии дуҷониба анҷом доданд.
Ҳамзамон намояндагони Ҷумҳурии Тоҷикистон дар ҳошияи ҷаласа бо Комиссияи доимии Шурои Маҷлиси миллии Ҷумҳурии Беларус оид ба қонунгузорӣ ва сохтори давлатӣ дар алоҳидагӣ вохӯрӣ намуда, ҷиҳати ба роҳ мондани ҳамкории дуҷониба суҳбат намуданд.
Дар вохӯрӣ Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода намояндагони Ҷумҳурии Тоҷикистонро ҳамроҳӣ намуд.
АКС: Ваколатдор оид ба ҳуқуқи инсон дар Ҷумҳурии Тоҷикистон
Форуми байналмилалии малакаҳои Тоҷикистон–2026 доир мегардад
Дар фурудгоҳҳои Тоҷикистон байни муҳоҷирони меҳнатӣ корҳои фаҳмондадиҳӣ гузаронида мешаванд
ПЕШГИРӢ АЗ ХУШУНАТ–ОМИЛИ ПОЙДОРИИ ОИЛАИ СОЛИМ. Дар ин мавзуъ бо сокинони Файзобод вохӯрӣ доир шуд
ТАРЗИ ҲАЁТИ СОЛИМ. Давидан барои саломатии инсон чӣ фоида дорад?
Оид ба нақши Президенти Тоҷикистон дар рушди забони давлатӣ бо ҷавонони фаъоли шаҳри Бохтар вохӯрӣ доир шуд
ОГОҲӢ! 18-20 май дар Тоҷикистон хатари сар задани сел ва баландшавии сатҳи оби дарёҳо пешгӯӣ мегардад
Соли 2026 дар Ёвон 6 маротиба намоиши ҷойи кори холии доимӣ ва мавсимӣ баргузор гардид
«СУРУДИ ҶАВОНӢ». Бахшида ба Рӯзи ҷавонони Тоҷикистон дар боғҳои пойтахт барномаҳои идона баргузор мегарданд
«ЯК РӮЗИ ҶАВОНӢ». Дар муассисаҳои таҳсилоти олӣ ва миёнаи касбии Тоҷикистон силсилавохӯриҳо доир мешаванд
Оид ба иҷрои «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2023-2027» ҷаласа баргузор шуд
Дар шаҳраки Адрасмон бахшида ба Рӯзи байналмилалии оила ҳамоиши идона доир гардид
ОИЛА-МАКОНИ МЕҲРУ САДОҚАТ. Дар ноҳияи Варзоб барномаи фарҳангию фароғатӣ баргузор шуд
