Намояндаи Тоҷикистон дар машварати байналмилалӣ дар шаҳри Ню-Йорк иштирок дорад
ДУШАНБЕ, 29.11.2023 /АМИТ «Ховар»/. 27 ноябр дар шаҳри Ню-Йорки Америка машварати байналмилалӣ дар мавзуи «Идоракунии захираҳои инсонии хизмати давлатӣ дар асоси истеъдод дар асри 21» оғоз гардид, ки дар он сардори шуъбаи ташкилию иттилоотии Агентии хизмати давлатии назди Президенти Ҷумҳурии Тоҷикистон Мирзо Кенҷазода иштирок дорад.
Тавре ба АМИТ «Ховар» дар Агентии хизмати давлатӣ хабар доданд, машварат бо ташаббуси Шабакаи минтақавии соҳаи хизмати давлатии Остонаи Ҷумҳурии Қазоқистон дар ҳамкорӣ бо Комиссияи Созмони Милали Муттаҳид оид ба хизмати давлатии шаҳрвандии байналмилалӣ ташкил шуда, то 30 ноябр идома меёбад.
Ҳадафи баргузории машварат муаррифӣ ва шиносоӣ бо натиҷаҳои дастовардҳои охирин дар самти идоракунии захираҳои инсонии муосири хизмати давлатӣ барои масъулони мамлакатҳои аъзои ин шабака буда, ҳамчунин барои табодули таҷриба ва ҳалли масъалаҳои идоракунии захираҳои инсонии муосири мамлакатҳои аъзо истифода мешавад.
Иштироки намояндаи Агентии хизмати давлатӣ дар ин машварат ва омӯзиши таҷрибаи мамлакатҳои пешрафта барои рушди минбаъдаи идоракунии захираҳои инсонӣ дар Ҷумҳурии Тоҷикистон мусоидат менамояд.
Шабакаи минтақавии соҳаи хизмати давлатӣ 40 мамлакати аъзоро фаро гирифта, Ҷумҳурии Тоҷикистон низ ҳамчун муассис ва узви комилҳуқуқ бо ин шабака ҳамкорӣ дорад. Хизматчиёни давлатии Тоҷикистон бо даъвати он мунтазам барои омӯзиши таҷрибаи мамлакатҳои пешрафта дар кори конференсияю машваратҳои сатҳи байналмилалии созмондодаи ин шабака иштирок менамоянд.
АКС: Агентии хизмати давлатии назди Президенти Ҷумҳурии Тоҷикистон
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
