Парафшонии Парчами давлатӣ моро ба сӯи дастовардҳои навин ҳидоят менамояд,-бардошт аз ҳамоиши тантанавӣ дар Суди Олӣ

Ноябрь 24, 2023 17:19

ДУШАНБЕ, 24.11.2023 /АМИТ «Ховар»/. Парчами давлатӣ – рамзи соҳибистиқлолии Ватан ва дӯстиву бародарии ҳар сокини мамлакати мо буда, шаҳрвандонро ба зиндагии оромона, сулҳу осоиш ва талош ба хотири ҳаёти арзанда, пешрафти ҷумҳурӣ ва соҳибихтиёрию соҳибдавлатӣ ҳидоят менамояд. Чунин ибрози назар намуд имрӯз зимни ҳамоиши тантанавӣ бахшида ба Рӯзи Парчами давлатии Ҷумҳурии Тоҷикистон Раиси Суди Олии Ҷумҳурии Тоҷикистон Шермуҳаммад Шоҳиён.

Шермуҳаммад Шоҳиён таъкид дошт, ки мояи ифтихор аст, ки 16 ноябри соли 1992 дар Қасри Арбоби ноҳияи Бобоҷон Ғафурови вилояти Суғд Иҷлосияи XVI Шурои Олии Ҷумҳурии Тоҷикистон баргузор гардид, ки дар қатори дигар масъалаҳои муҳимтарин дар он ҳамчунин нахустин рамзи давлатӣ – Парчам қабул шуд.

Қабули ин рамзи давлатӣ дар вазъияти ниҳоят мураккаби солҳои аввали соҳибистиқлолӣ ба миллати тоҷик руҳу тавони тоза бахшида, қувваҳои солими ҷомеаро атрофи фарзанди фарзонаи миллат- Президенти Ҷумҳурии Тоҷикистон муҳтарам Эмомалӣ Раҳмон баҳри талош ба сулҳу субот, созандагӣ ва соҳибдавлатӣ муттаҳид сохт.

Парчами давлатӣ тамоми сокинони ҷумҳуриро ба ифтихор аз давлату давлатдорӣ, таҳкими истиқлолияти миллӣ, ҳифзи дастовардҳои он ва пеш аз ҳама, ваҳдати миллӣ ва саъю талоши пайваста ба хотири рушду камол ва ободии сарзамини аҷдодӣ раҳнамун месозад. Қабули Парчами давлатӣ ба идома додани анъанаи парчамдории миллати тоҷик асос гузошт.


Солҳои охир дар саросари ҷумҳурӣ ба хотири гиромидошти рамзҳои давлатӣ корҳои зиёде ба анҷом расонида шуданд. Махсусан бо ташаббуси Пешвои миллат, Президенти мамлакат муҳтарам Эмомалӣ Раҳмон дар шаҳри Душанбе сутунпояи бузурги Парчам ифтитоҳ гардид, ки дар он Парчами давлатӣ бо баландии 165 метр қомат афрохта, мавзеи ҷойгиршавии он «Майдони Парчами давлатӣ» номгузорӣ гардид.

Ҳамин тариқ, Парчами миллӣ мояи ифтихори ҳар сокини Тоҷикистон, рамзи мустақилияти давлат, ҳаёти осоишта, ваҳдати ҷовидона ва умед ба фардои ободу осуда буда, эҳтиром ва арҷ гузоштан ба он қарзи шаҳрвандии ҳар фарди мамлакат дар назди наслҳои гузашта, ҳозира ва оянда мебошад.

Дар ҷамъомад иштирокчиён дар мавзуъҳои «Аз дирафши Ковиён то Парчами Тоҷикистони соҳибихтиёр», «Парчами давлатӣ рамзи давлатдории миллист», «Парчам ҳамчун муқаддасоти миллии давлатдорӣ» ва «Моҳияти ҳуқуқии Парчами давлатии Ҷумҳурии Тоҷикистон» маъруза намуданд.

Гуфта шуд, ки имрӯз парафшонии Парчами давлатӣ мояи ифтихору руҳбаландӣ ва ибрози саодату садоқати сокинон ба Ватан – Модар гардида, моро ба сӯи музаффарияту дастовардҳои навин ҳидоят менамояд.

Дар ҳақиқат муқаддас будани Парчам аз он иборат аст, ки ҳисси ҳимояи он дар қалби ҳар соҳибватан ба он андозае мебошад, ки шахс қодир аст худро қурбон намояд, аммо нагузорад, ки парафшонии парчам халалдор гардад. Чунки парчам рамзи озодӣ, истиқлолияти комил ва муттаҳидии миллат дар атрофи он мебошад.

АКС: Суди Олии Ҷумҳурии Тоҷикистон

Ноябрь 24, 2023 17:19

Хабарҳои дигари ин бахш

Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд
Дар Минск вохӯрии раисони комиссияҳои марказии интихоботи Тоҷикистон ва Беларус доир шуд
Маҳмадтоир Зокирзода бо муовини Раиси Маҷлиси Шурои Давлати Қатар Ҳамда бинт Ҳассан Ал-Сулайти мулоқот намуд
Ҳамкории Кумитаи таҳсилоти ибтидоӣ ва миёнаи касбии Тоҷикистон ва Донишгоҳи давлатии Пензаи Русия густариш меёбад
Дар муассисаи фарҳангии Созмони ҳамкории иқтисодии Теҳрон «Шаби мусиқии суннатии Тоҷикистон» баргузор шуд
ҶОМИ ҶАҲОН-2026. Дастаи мунтахаби Тоҷикистон оид ба футбол дар Қатар бозиҳои тамринӣ мегузаронад
Ҳангоми истифодаи хабару маводи сомона истинод ба www.khovar.tj ҳатмӣ аст!
Дар Бохтар як зумра сарбозону афсарони қисмҳои низомӣ бо туҳфаҳои хотиравӣ сарфароз гардонида шуданд
Дар Душанбе ҷаласаи нахустини Гурӯҳи кории ҷумҳуриявӣ оид ба рушди сайёҳӣ, ҳунарҳои мардумӣ ва ташкилу назорати корҳои ободониву сабзазоркунӣ баргузор гардид
Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
Президенти Тоҷикистон: «Зиндагии орому осудаи мардуми мо ба қимати ҷони ҳазорон нафар ҷавонмардони ватандӯсту ҷоннисор ва бонангу номуси халқи тоҷик ба даст омадааст»