Раиси вилояти Хатлон бо ҷараёни корҳои навсозии Мадрасаи Хоҷа Машҳад шинос шуд

Ноябрь 28, 2023 16:23

ДУШАНБЕ, 28.11.2023. /АМИТ «Ховар»/. 25 ноябр Раиси вилояти Хатлон Давлаталӣ Саид бо ҷараёни  корҳои навсозии Мадрасаи Хоҷа Машҳад дар деҳаи Сайёди ноҳияи Шаҳритус шинос гардид. Дар ин хусус ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон хабар доданд.

Гуфта шуд, ки мувофиқи нақша корҳои сохтмонӣ дар ин иншоот соли 2022 оғоз гардида, давоми беш аз 1 сол як қисми ҳавлии он ба таври замонавӣ бо сатҳу сифати баланд сохта, ба истифода дода шуд. Зимни корҳои сохтмонӣ аз 10 то 15  сокини маҳалӣ ба кор ва маоши хуб таъмин гардиданд.

Бахшида ба ҷашни 35-солагии Истиқлоли давлатии Ҷумҳурии Тоҷикистон бо дастгирии Ҳукумати Ҷумҳурии Тоҷикистон дар доираи лоиҳаи «Рушди иқтисодиёт»-и Бонки ҷаҳонӣ як қисми ҳавлии Мадрасаи Хоҷа Машҳад бо усули муосири меъморӣ навсозӣ шудааст.

Иттилоъ дода шуд, ки мадраса дар асрҳои 9-12 сохта шуда, ҳоло аз ин ёдгории таърихӣ ду бинои гунбазу равоқдори аз хишти пухта ба ҳам пайваста боқӣ мондааст. Бинои тарафи рост қисми қадимтарини ёдгорӣ мебошад.

Дар атрофи ин мавзеъ инфрасохтори хизматрасонӣ ва ҳомстейҳо ташкил мегарданд, ки дар рушди соҳаи сайёҳӣ, ҷалби бештари сайёҳон, таъсиси ҷойҳои нави корӣ ва беҳтар намудани сатҳу сифати зиндагии аҳолии маҳал саҳми арзанда мегузоранд.

Раиси вилоят баъд аз шиносоӣ ба кори сохтмончиён баҳои баланд дода, иброз намуд, ки иншооти ҷашнӣ бояд бо сифати баланд сохта, ба истифода дода шаванд.

АКС: Шуъбаи иттилоотию таҳлилии дастгоҳи Раиси вилояти Хатлон

Ноябрь 28, 2023 16:23

Хабарҳои дигари ин бахш

НАЗАРИ КОРШИНОС. Рушди ҳунармандӣ ба беҳтар шудани имконияти иҷтимоию иқтисодии оилаҳо мусоидат менамояд
Дар вилояти Суғд Рӯзи матбуоти тоҷик ҷашн гирифта мешавад
ДОРУ АЗ МЕВАИ ДӮЛОНА. Онро устодони Донишгоҳи миллии Тоҷикистон бо мақсади пешгирии бемории дилу рагҳо тайёр кардаанд
Мулоқоти гурӯҳҳои топографӣ ва кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
100-СОЛАГИИ АКАДЕМИК АҲРОР МУХТОРОВ. Соли 1994 ин таърихшиноси маъруфи тоҷик ба нашрияи байналмилалии «500 шахсияти машҳури ҷаҳон» ворид гардид
НАЗАРИ КОРШИНОС. Эҳёи ҳунарҳои мардумӣ ба зиёд гардидани соҳибкории хурд ва баланд шудани некӯаҳволии мардум мусоидат менамояд
«ТОҶИКОНА МЕПӮШЕМ!». Таҳти ин унвон дар шаҳри Хоруғ ҳамоиш доир гардид
Раиси шаҳри Душанбе Рустами Эмомалӣ бо вазъи як қатор кӯчаву хиёбонҳои пойтахт шинос гардиданд
ОГОҲӢ. Дар Тоҷикистон то 4 март хатари лағзиши тарма боқӣ мемонад
«TASHKENT GRAND SLAM 2024». Дастаи мунтахаби Тоҷикистон оид ба ҷудо бо 1 медали тилло дар ҷойи сеюм қарор дорад
«TASHKENT GRAND SLAM». Варзишгари Тоҷикистон Эмомалӣ Нуралӣ медали тилло ба даст овард
«ОИЛАИ НАМУНАВӢ». Таҳти ин унвон дар Тоҷикистон озмуни ҷумҳуриявӣ баргузор мегардад