Саҳми Президенти Ҷумҳурии Тоҷикистон Эмомалӣ Раҳмон дар рушди соҳаи нақлиёти Бадахшон бузург аст
ДУШАНБЕ, 16.11.2023 /АМИТ «Ховар»/. Дар маркази маъмурии Вилояти Мухтори Кӯҳистони Бадахшон бахшида ба Рӯзи Президенти Ҷумҳурии Тоҷикистон ва 31 — солагии Иҷлосияи 16-уми Шурои Олӣ таҳти унвони «Саҳми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар рушди соҳаи нақлиёти Бадахшон» ҳамоиш баргузор гардид. Да ин хусус АМИТ «Ховар» бо истинод ба Мақомоти иҷроияи ҳокимияти давлатии вилоят хабар медиҳад.
Дар ҳамоиш Вазири нақлиёти Ҷумҳурии Тоҷикистон роҳбарияти вилоят, собиқадорон ва кормандони соҳа иштирок намуданд.
Дар робита ба ин аз ҷониби занони ҳунарманди шаҳри Хоруғ таомҳои миллӣ ва ҳунарҳои мардумӣ ба маърази тамошо гузошта шуданд. Ҳайати расмӣ бо намоишгоҳи ҳунарҳои мардумӣ шинос шуд.
Дар ҳамоиш иброз гардид, ки имрӯз бо шарофати соҳибистиқлолии Ҷумҳурии Тоҷикистон, алалхусус сиёсати хирадмандона, пайгирона ва илман асосноки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шаҳру ноҳияҳои Вилояти Мухтори Кӯҳистони Бадахшон ба арсаи сохтмони бесобиқа табдил ёфтаанд.
Хусусан пас аз иқдоми навбатии Пешвои бунёдкори миллат муҳтарам Эмомалӣ Раҳмон вобаста ба эълон намудани марҳилаи нави бесобиқаи рушди вилоят сармояи зиёд ба соҳаҳои гуногуни он равона гардида, дар заминаи нақшаи чорабиниҳои Ҳукумати мамлакат вобаста ба таҷлили 35-солагии Истиқлоли Тоҷикистон аллакай садҳо иншооти таъйиноти иҷтимоӣ таъсису бунёд ёфтанд. Аз ҷумла, сохтмони қитъаи вазнинтарини шоҳроҳ байни ноҳияҳои Дарвозу Рӯшон бо маблағи зиёда аз дуюним миллиард сомонӣ ва Неругоҳи барқи обии «Себзор» дар ноҳияи Роштқалъа аз ҷумлаи он корҳои бунёдӣ ҳастанд, ки таҳти ҳидоят ва роҳнамоии Президенти Ҷумҳурии Тоҷикистон муҳтарам Эмомалӣ Раҳмон амалӣ мешаванд. Ҳамаи ин ва дигар комёбиҳое, ки бадахшониён ба даст овардаанд, маҳз аз сиёсати одилона, оқилона ва хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мебошанд.
Таъкид гардид, ки бо бунёди шоҳроҳ, таъмиру таҷдиди роҳҳои сатҳи ҷумҳуриявию маҳаллӣ ва сохтмони пулҳо имконият пайдо шуд, ки вилоят бо минтақаҳои дигари мамлакат, аз ҷумла бо пойтахти Тоҷикистон — шаҳри Душанбе робитаи мунтазам пайдо намояд.
Вазири нақлиёт оид ба хизматҳои шоёни Сарвари давлат дар самти рушди соҳаи роҳнигоҳдориву коммуникатсия сухан намуда, амалишавии барномаҳои давлатиро дар ин самт аз қадамҳои устувор дар роҳи аз бунбасти коммуникатсионӣ баровардани мамлакат унвон намуд.
Дар ҳамоиш дигар иштирокдорон оид ба корномаҳои Президенти Ҷумҳурии Тоҷикистон сухан гуфтанд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
РАВАНДИ ОБИ ДУШАНБЕ. Дар Душанбе таҳти унвони «Об — манбаи ҳаёти инсоният» Фестивали об ва барномаи фарҳангӣ доир шуд
Имконоти иқтисодии Тоҷикистон бо ҳайати намояндагони ширкатҳои байналмилалии молиявӣ баррасӣ шуд
РАВАНДИ ОБИ ДУШАНБЕ. Форуми ҳамоҳангсозии Осиёи Марказӣ оид ба мониторинг, арзёбӣ ва моделсозии пешгӯии пиряхҳо ва криосфера баргузор гардид
РАВАНДИ ОБИ ДУШАНБЕ. Устувории низомҳои озуқаворӣ дар давраи камбуди ҷаҳонии об дар Душанбе баррасӣ гардид
Форуми байналмилалии «Об ва зеҳни сунъӣ – робитаи дуҷониба» баргузор гардид
Равиши ҳамгироёнаи идоракунии захираҳои об дар меҳвари Форуми 7-уми байналмилалӣ дар Душанбе қарор гирифт
РАВАНДИ ОБИ ДУШАНБЕ. Машварати минтақавии Осиё ва Уқёнуси Ором оид ба Конфронси оби СММ баргузор гардид
Султон Раҳимзода: «Тоҷикистон имконияти бузурги таъмини кишварҳои Осиёи Марказӣ ва ҳатто Осиёи Ҷанубиро бо барқи «сабз» дорад»
РАВАНДИ ОБИ ДУШАНБЕ. Форуми «Об ва хатарҳои иқлимӣ: илм, мониторинг ва идоракунӣ» баргузор шуд
Дар ноҳияи Бобоҷон Ғафуров ҷамъоварии маҳсулоти барвақтӣ идома дорад
25 МАЙ — РӮЗИ КОРМАНДОНИ СОҲАИ СТАНДАРТИЗАТСИЯ ВА МЕТРОЛОГИЯ. 80 фоизи савдои ҷаҳонӣ аз стандартҳо вобаста аст
Форуми сафарбаркунии сармоягузориҳои хусусӣ ва маблағгузории инноватсионӣ барои инфрасохтори об дар кишварҳои рӯ ба тараққии маҳсур дар хушкӣ оғоз шуд
