35-СОЛАГИИ ИСТИҚЛОЛИ ДАВЛАТӢ. Дар шаҳраки Ҳисор ду бинои баландошёнаи истиқоматӣ ба истифода дода шуд
ДУШАНБЕ, 26.12.2023 /АМИТ «Ховар»/. Дар доираи тадбирҳои бунёдкорию созандагӣ ба ифтихори ҷашни 35-солагии Истиқлоли давлатии Ҷумҳурии Тоҷикистон дар шаҳраки Ҳисори шаҳри Ҳисор ду бинои баландошёни истиқоматӣ ба истифода дода шуд. АМИТ «Ховар» бо истинод ба Мақомоти иҷроияи ҳокимияти давлатии шаҳри Ҳисор иттилоъ медиҳад, ки дар маросими ба истифода додани биноҳои истиқоматӣ роҳбарияти шаҳр иштирок намуда, ба сифати кори сохтмончиён баҳои баланд доданд.
Нахуст дар кӯчаи Исмоили Сомонӣ бинои 13-қабата, ки дар қабати аввал маркази савдо ва хизматрасонӣ, аз қабили дандонпизишкӣ ва сартарошхона ҷойгир аст, ифтитоҳ гардид.
Бинои дигари истиқоматӣ, ки ба истифода дода шуд, аз 6 қабат иборат буда, дар кӯчаи Мирзо Турсунзодаи шаҳраки Ҳисор воқеъ аст. Он дорои 72 хона, аз ҷумла 48-якҳуҷрадор, 12-дуҳуҷрадор ва 12-сеҳуҷрадор мебошад. Дар таҳхонаи бино барои нигоҳдории ҷиҳозу захираи ҳар оила ҳуҷраҳои иловагӣ сохта шудаанд.
Масъулини сохтмон ҳамзамон роҳбарияти шаҳри Ҳисорро бо лоиҳаи майдончаи бозии кӯдакон ва таваққуфгоҳи мошинҳо, ки дар пушти бино сохта мешавад, шинос намуданд. Дар доираи корҳои ободонӣ ба соҳибкор ҷиҳати сохтани партовгоҳи расмӣ, айвончаи нишаст барои пиронсолон ва нуқтаи нонпазӣ барои занон дастур дода, муҳлати иҷрои онро арафаи ҷашни байналмилалии Наврӯз таъйин намуданд.
Ду бинои истиқомтаие, ки мавриди баҳрабардорӣ қарор дода шуданд, барои бо манзили истиқоматӣ таъмин гардидани беш аз 150 оила мусоидат менамоянд. Биноҳо аз ҷониби соҳибкорони ватанӣ Нурулло ва Баҳрулло Ҳусейновҳо бунёд гардида, аз ҷониби соҳибкорон ба се оилаи ниёзманд хонаҳои якҳуҷрадор ва дуҳуҷрадор туҳфа гардиданд.
Дар доираи корҳои ободониву созандагӣ бахшида ба ҷашни 35-солагии Истиқлоли давлатии Ҷумҳурии Тоҷикистон соли 2023 тибқи нақшаи генералӣ, дар шаҳри Ҳисор 8 бинои баландошёнаи истиқоматӣ бо марказҳои савдою хизматрасонӣ ба истифода дода шуд, ки беш аз 600 оила бо манзили истиқоматии ҳозиразамон таъмин ва даҳҳо ҷойи кори доимӣ муҳайё гардид.
АКС: Мақомоти иҷроияи ҳокимияти давлатии шаҳри Ҳисор
Дар Донишкадаи кӯҳию металлургии Тоҷикистон оид ба рушди соҳаи маъдан ва кӯҳкорӣ конференсияи байналмилалӣ баргузор шуд
ОБОД СОХТАНИ ВАТАН ИБОДАТ АСТ! Соҳибкори ватанӣ дар болои дарёи Кофарниҳон ба маблағи 5 миллион сомонӣ кӯпруки мошингузар сохт
35-СОЛАГИИ ИСТИҚЛОЛИ ДАВЛАТӢ. Дар ноҳияи Айнӣ меҳмонхонаи замонавӣ бунёд карда мешавад
Иҷрои нақшаи бунёди иншооти ҷашнӣ дар вилояти Хатлон 112 фоиз таъмин гардидааст
Пешвои миллат Эмомалӣ Раҳмон бо роҳбарону фаъолони вилояти Хатлон мулоқот намуданд
Пешвои миллат Эмомалӣ Раҳмон дар ноҳияи Данғара барои бунёди калонтарин Маркази савдо ва хизматрасонӣ санги асос гузоштанд
Президенти Ҷумҳурии Тоҷикистон Эмомалӣ Раҳмон ба бунёди бинои Мақомоти иҷроияи ҳокимияти давлатии ноҳияи Данғара санги асос гузоштанд
Сарвари давлат Эмомалӣ Раҳмон дар ноҳияи Данғара ба фаъолияти марҳилаи дуюми корхонаи муштараки «Муосир» оғози расмӣ бахшиданд
Пешвои миллат Эмомалӣ Раҳмон дар ноҳияи Данғара ба бунёди марҳилаи дуюми Маҷмааи парандапарварии «Мармарӣ» санги асос гузоштанд
Президенти Ҷумҳурии Тоҷикистон Эмомалӣ Раҳмон дар шаҳри Норак Маҷмааи гармхонаҳои ҶДММ «Гулнур»-ро ифтитоҳ намуданд
Сарвари давлат Эмомалӣ Раҳмон дар шаҳри Норак ба фаъолияти хатҳои истеҳсоли панҷараҳои оҳанин оғоз бахшиданд
Пешвои миллат Эмомалӣ Раҳмон дар шаҳри Норак корхонаи саноатии истеҳсоли обҳои нӯшокии «Глобал Инвест»-ро ифтитоҳ намуданд
