Дар деҳаи «Кач-камар»-и Ҷамоати деҳоти Ифтихори ноҳияи Абдураҳмони Ҷомӣ бунгоҳи тиббӣ ба истифода дода шуд

Декабрь 10, 2023 10:38

АБДУРАҲМОНИ ҶОМӢ, 10.12.2023 /АМИТ «Ховар»/. Дар деҳаи «Кач-камар»-и Ҷамоати деҳоти Ифтихори ноҳия Абдураҳмони Ҷомӣ бунгоҳи тиббӣ ба истифода дода шуд, хабар медиҳад хабарнигори минтақавии АМИТ «Ховар» Сулаймон Холзода.

Бунгоҳи тиббӣ аз панҷ ҳуҷра ва дигар нуқтаҳои хизматрасонӣ иборат буда, тамоми утоқҳои корӣ бо дастгоҳҳои муосири тиббӣ таъмин мебошанд. Яке аз мушкилоти асосии сокинони ин деҳот норасоии бунгоҳи тиббӣ буд ва 2400 нафар аҳолии деҳа имкон пайдо намуданд, ки аз хизматрасонии босифати тиббӣ баҳравар гарданд.

Бунгоҳи саломатии деҳаи Баҳористони ноҳия низ сохта шуда, имрӯз ба аҳолӣ дар сатҳи зарурӣ хизмати тиббӣ мерасонад. Ин иншоот иборат аз панҷ ҳуҷраи корӣ буда, дар он дастгоҳу лавозимоти ташхису табобатӣ муҳайё шудаанд.

Тавре мудири бунгоҳи саломатии деҳаи Баҳористон иброз намуд, бунгоҳи саломатии деҳа ба 2190 нафар аҳолӣ хизмат мерасонад.

Гуфтан ба маврид аст, ки корҳои ободонию созандагӣ дар ноҳияи Абдураҳмони Ҷомӣ дар ҳама самтҳо вусъати тоза дошта, рӯз то рӯз дигаргуниҳои куллӣ ба вуқуъ мепайванданд,.

Ин аз ҳисси баланди сокинону соҳибкорон дарак дода, ба хотири шоиста истиқбол намудани ҷашни 35-солагии Истиқлолияти давлатии Ҷумҳурии Тоҷикистон мебошад.

АКС: АМИТ «Ховар»

Декабрь 10, 2023 10:38

Хабарҳои дигари ин бахш

Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
Дар Тоҷикистон бар асари боронҳои сел талафоти ҷонӣ ва харобиҳо сабт нашудаанд
Дар шаҳри Кӯлоб омодагии мудофиаи ҳудудӣ ва захираҳои сафарбарӣ мавриди омӯзиш ва санҷиш қарор гирифт
ЁДГОРИҲОИ ТАЪРИХӢ-БУЗУРГТАРИН МАКТАБИ ХУДШИНОСӢ БАРОИ НАСЛИ НАВРАСУ ҶАВОН. Бардошт аз суханронии Президенти Тоҷикистон дар маросими ифтитоҳи «Қалъаи Хуҷанд»
Дар шаҳри Бӯстон марҳилаи дуюми корхонаи Ҷамъияти дорои масъулияти маҳдуди «Нуртез» ифтитоҳ гардид
35-СОЛАГИИ ИСТИҚЛОЛИ ДАВЛАТӢ. Дар Суғд зиёда аз 5,5 ҳазор иншоот бунёду навсозӣ ва мавриди истифода қарор дода шудааст
35 СОЛИ ИСТИҚЛОЛИ ДАВЛАТӢ. Дар Бадахшон то охири соли 2024 270 иншоот ба истифода дода мешавад