Дар Душанбе нархгузорӣ, ҷуброни арзиши доруҳо ва беҳтарнамоии идораи бемориҳои ғайрисироятӣ баррасӣ мешавад
ДУШАНБЕ, 19.12.2023. /АМИТ «Ховар»/. Дар шаҳри Душанбе дар мавзуи «Нархгузорӣ ва ҷуброни арзиши доруҳо ва дигар маҳсулоти тиббӣ ҷиҳати беҳтар намудани идоракунии клиникии бемориҳои ғайрисироятӣ» ҳамоиш оғоз шуд, иттилоъ медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Дар маросими ифтитоҳи ҳамоиш роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, шарикони рушд, намояндагони Созмони ҷаҳонии тандурустӣ дар Тоҷикистон, ҳамзамон намояндагони Созмони ҷаҳонии тандурустӣ дар давлатҳои Арманистон, Қазоқистон, Қирғизистон, Туркманистон, Узбекистон ва мутахассисони соҳа иштирок намуданд.
Тазаккур дода шуд, ки тавассути Барномаи дастрасӣ ба дорувориҳо ва Барномаи мубориза бо бемориҳои ғайрисироятии Дафтари минтақавии Аврупо, инчунин дафтари намояндагӣ дар Тоҷикистон, Созмони ҷаҳонии тандурустӣ (СҶТ) ба нақша гирифтааст, ки имкониятро барои рушди таҷрибаи техникӣ ва малакаҳои амалӣ тавассути нишон додани консепсияҳои асосии нархгузорӣ ва ҷубронсозии арзиши дорувориҳои асосие, ки барои идоракунии клиникии бемориҳои афзалиятноки ғайрисироятӣ дар марҳилаи амбулаторӣ истифода мешаванд, фароҳам орад.
Ҳамоиш дар шакли омӯзиш-тренинги амалӣ то 22 декабр идома меёбад. Он муаррифии мавзуӣ, муҳокимаҳои равишҳои асосӣ дар сиёсати таъминот бо дорувориҳо, бахусус, нархгузорӣ, интихоб ва ҷуброни хароҷоти маводи доруворӣ барои идоракунии бемориҳои ғайрисироятӣ, инчунин машғулият зимни гурӯҳҳо ва машқу тамринҳоеро, ки ба инкишоф додани малакаҳои амалии ин соҳаҳо нигаронида шудаанд, дар бар мегирад.
АКС: Вазорати тандурустӣ ва ҳифзи иҷтимоии аҳолии Ҷумҳурии Тоҷикистон
Ба сокинони шаҳри Ҳисор беш аз 450 ҷойи кори холӣ пешниҳод гардид
Дар Душанбе доир ба беҳтар гардонидани сифати ғизо ҳамоиш доир шуд
Дар Хатлон таҳти унвони «Чил рӯзи ҳаёти кӯдакон» силсилаҳамоишҳо доир мегарданд
Сарвазири мамлакат Қоҳир Расулзода дар ноҳияи Рашт бо рафти корҳои бартарафсозии оқибатҳои заминларза шинос шуд
Дар Душанбе бахшида ба Рӯзи пойтахт барномаи фарҳангӣ-сиёсии аъзои ҳизб доир гардид
«ЗАМИН — ГАНҶИНАИ ХАЙРУ САХОВАТ». Дар Бохтар бахшида ба Рӯзи умумиҷаҳонии замин ва Соли ҳифзи пиряхҳо ҳамоиш баргузор гардид
Дар Академияи миллии илмҳои Тоҷикистон таҳти унвони «Душанбе-сарзамини тахти воло» ҳамоиши илмӣ доир шуд
Сарвазири Тоҷикистон бо рафти корҳои бартарафсозии оқибатҳои офати табиӣ дар ноҳияи Тоҷикобод шинос шуд
«МАДАНИЯТИ ШАҲРДОРӢ». Дар Хатлон амалиёти пешгирии фурӯши ғайрисанитарии маҳсулоти хӯрокворӣ оғоз гардид
Сокинони вилояти Суғд ба мардуми аз офати табиӣ зарардидаи Рашт ва Тоҷикобод кумак расониданд
Мардуми саховатпешаю савобҷӯ даъват шуданд, ки маблағҳои сафари ҳаҷро ба зарардидагони заминларзаи Рашту Тоҷикобод низ равона созанд
«ОИЛАИ БЕҲТАРИН». Бо мақсади гиромидошти арзишҳои оиладорӣ озмуни ҷумҳуриявӣ доир мегардад
