Дар ноҳияи Ҷайҳун 80 ҳазор бех ниҳоли дарахтони сояафкан, ороишӣ ва ҳамешасабз шинонида мешаванд
ДУШАНБЕ, 24.12.2023 /АМИТ «Ховар»/. Дар доираи тадбирҳои ободониву созандагӣ ба ифтихори ҷашни 35-солагии Истиқлолияти давлатии Ҷумҳурии Тоҷикистон ва мавсими ниҳолшинонӣ дар ноҳияи Ҷайҳуни вилояти Хатлон 80 ҳазор бех ниҳоли дарахтони сояафкан, ороишӣ ва ҳамешасабз шинонида мешаванд.
АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад, ки аз ҷониби бахши ҳифзи муҳити зисти ноҳияи Ҷайҳун маъракаи дастҷамъонаи ниҳолшинонӣ гузаронида шуд, ки дар он сокинони гуногункасб ва кормадони ташкилоту муассисаҳои ноҳия фаъолона иштирок намуданд.
Тибқи иттилои мудири бахши ҳифзи муҳити зисти ноҳияи Ҷайҳун Сайдулло Зувайзода, ҳангоми шинонидани ниҳоли дарахтон тавсияи мутахассисон гирифта мешавад, ки он ба нашъунамои минбаъдаи ниҳолҳо мусоидат менамояд. Инчунин аз ҷониби масъулони соҳавии маҳал назорат бурда мешавад, то дарахтони шинонида нашъу намои хуб ёбанд.
Маъракаи ниҳолшинонӣ ва корҳои сабзазоркунӣ дар ноҳияи Ҷайҳун мунтазам рӯзҳои истироҳатӣ гузаронида мешаванд.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
БАРНОМАИ ДАВЛАТИИ КАБУДИЗОРКУНӢ. Дар Ҳисор ҷиҳати татбиқи он чӣ тадбирҳо андешида шудааст?
Дар Вилояти Мухтори Кӯҳистони Бадахшон зиёда аз 200 гектар ҷангалзор барқарор карда мешавад
Парвариши ниҳоли мевадиҳанда ва ороишӣ ба мавқеи ҷуғрофӣ вобаста аст
ДАРАХТ БИНШОН! Дар шафати роҳи мошингарди Шоҳамбарии шаҳри Ҳисор беш аз 3000 бех дарахти арча шинонида мешавад
ДАРАХТ БИНШОН! Дар талу теппаҳои шоҳроҳи Душанбе- Ваҳдат беш аз 42 ҳазор бех ниҳол шинонида мешавад
Дар Тоҷикистон ниҳолшинонӣ дар се марҳила гузаронида мешавад
ДАРАХТ БИНШОН. Дар кӯчаи Деҳотии шаҳри Душанбе беш аз 500 бех ниҳоли ороишии санавбар шинонида шуд
ДАРАХТ БИНШОН! Дар шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ДАРАХТ БИНШОН! Дар ноҳияи Ҷалолиддини Балхӣ беш аз 30 ҳазор бех ниҳоли сояафкану ҳамешасабз шинонида мешавад
Дар хоҷагии ҷангали ноҳияи Ховалинг тақрибан 10 ҳазор бех ниҳоли санавбар шинонида шуд
ДАРАХТ БИНШОН! Дар талу теппаҳои канори шоҳроҳи Душанбе-Рӯдакӣ-Ваҳдат садҳо бех ниҳолҳои ҳамешасабз шинонида шуданд
Дар ноҳияи Мастчоҳ зиёда аз 20 ҳазор бех ниҳол шинонида шуд
