Дар шаҳри Хуҷанд Мусобиқаи байналмилалӣ оид ба шиноварӣ баргузор гардид
СУҒД, 02.12.2023 /АМИТ «Ховар»/. 29 ноябр дар Маҷмааи ҳавзҳои шиноварии шаҳри Хуҷанд Мусобиқаи байналмилалӣ оид ба шиноварӣ баргузор гардид, ки дар он варзишгарон аз Тоҷикистон, Узбекистон, Қазоқистон, Беларус ва Русия иштирок намуданд. Дар ин хусус ба мухбири минтақавии АМИТ «Ховар» Саъдулло Маҳкам дар Хадамоти матбуоти Раиси вилояти Суғд хабар доданд.
Раиси вилояти Суғд Раҷаббой Аҳмадзода зимни иштирок дар мусобиқа тамоми варзишгарон — парчамбардорони Тоҷикистони соҳибистиқлол ва меҳмононро хайрамақдам гуфта, ба онҳо муваффақият орзу намуд.
Раиси вилоят бо ёдоварӣ аз татбиқи барномаҳои соҳавӣ, рушди варзиш ва тарбияи ҷисмонӣ иброз дошт, ки мақомоти иҷроияи ҳокимияти давлатии вилоят дар партави сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати татбиқи босамари сиёсати давлатии тарбияи ҷисмонӣ ва варзиш тамоми тадбирҳоро меандешад.
Таъсиси Стипендияи Раиси вилоят барои варзишгарони беҳтарини вилоят, қадршиносии варзишгарон, иштироки дастаҳои футболи вилоят дар Лигаи олӣ ва Лигаи якуми мамлакат, баргузории мусобиқаҳои вилоятию минтақавӣ ва маҳаллӣ, таъмини иштироки дастаҳои мунтахаби вилоят дар чемпионатҳои ҷумҳурӣ ва мусобиқаҳои байналмилалию ҷаҳонӣ шаҳодати ғамхории рӯзафзуни давлат ва ҳукумат мебошад.
Дар шаҳри Хуҷанд бо дастгирии Ҳукумати Ҷумҳурии Тоҷикистон ва ташаббуси мақомоти иҷроияи ҳокимияти давлатии вилоят давоми моҳҳои октябр — ноябри соли 2023 3 мусобиқаи байналмилалӣ, аз ҷумла Чемпионати ҷаҳон оид ба гӯштини камарбандӣ бо иштироки беш аз 20 давлат, Мусобиқаи кушод оид ба бокс барои дарёфти Ҷоми Раиси вилояти Суғд бо иштироки 5 давлат ва якумин Мусобиқаи байналмилалӣ оид ба камонварӣ барои дарёфти Ҷоми Президенти Ҷумҳурии Тоҷикистон бо иштироки 8 давлат баргузор гардид.
Баргузории Мусобиқаи байналмилалӣ оид ба шиноварӣ бахшида ба Рӯзи Президенти Ҷумҳурии Тоҷикистон чанд сол аст, ки дар вилоят ба ҳукми анъана даромадааст. Ин сабаб мегардад, ки варзишгарони беҳтарин малакаю маҳораташонро сайқал дода, дар арсаи байналмилалӣ Тоҷикистонро муаррифӣ намоянд.
Дар анҷоми мусобиқа ба як зумра варзишгарон ҷоизаҳо супорида шуд.
АКС: Хадамоти матбуоти Раиси вилояти Суғд
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
Варзишгари ҷавони тоҷик дар Чемпионати ҷаҳон оид ба гӯштини юнону румӣ соҳиби медали нуқра гардид
