ДАРАХТ БИНШОН! Дар Боғи фарҳангию фароғатии ноҳияи Нуробод 700 бех дарахтони сафедору ақоқиё ва тӯс шинониданд
НУРОБОД, 24.12.2023 /АМИТ «Ховар»/. Дар ҳудуди Боғи фарҳангию фароғатии ноҳияи Нуробод тариқи ҳашари умумӣ 700 бех дарахтони сафедор, ақоқиё ва тӯс шинонида шуданд. Рӯзҳои наздик боз 2300 бех чунин ниҳолҳо шинонида мешаванд. Дар ин хусус мудири бахши ҳифзи муҳити зисти ноҳияи Нуробод Саъдуллоев Бегназар ба мухбири минтақавии АМИТ «Ховар» Субҳониддини Маҳмуд иттилоъ дод.
Боғи фарҳангию фароғатии ноҳияи Нуробод навбунёд буда, кормандони ташкилоту муассиса ва сокинони шаҳраки Дарбанд барои дар оянда зебою сояафкан гардидани он ва истироҳати бофароғати сокинону меҳмонон бо шинонидани дарахтони сояафкану ороишӣ саҳм мегузоранд.
Тибқи иттилои директори Хоҷагии ҷангали ноҳияи Нуробод Хайрулло Табаров, солҳои 2023-2024 дар заминҳои хоҷагии ҷангал як гектар боғи чормағз, ду гектар боғи себи ҷангалӣ, ду гектар олучаи кӯҳӣ ва як гектар ҷангалзори иборат аз дарахтони гуногун бунёд менамоянд, ки дар умум 5 гектарро ташкил дода, дар он 2300 бех дарахт мешинонанд.
Мувофиқи нақшаи Мақомоти иҷроияи ҳокимияти давлатии ноҳияи Нуробод, солҳои 2023-2024 дар заминҳои хоҷагиҳои деҳқонӣ, хоҷагии ҷангал ва атрофи шоҳроҳу минтақаҳои гуногун 7006 бех дарахтони мевадиҳанда, ороишӣ ва сояафкан шинонида мешаванд. Ҳамчунин дар марказҳои ҷамоатҳои деҳот ва маркази ноҳия 42 ҳазор адад гулҳои мавсимӣ, гули садбарг ва гули лола шинонида мешаванд.
АКС: Муассисаи давлатии хоҷагии ҷангали ноҳияи Нуробод
ДАРАХТ БИНШОН! Дар ноҳияи Мастчоҳ 70 ҳазор бех ниҳол шинонида мешавад
БАРНОМАИ ДАВЛАТИИ КАБУДИЗОРКУНӢ. Дар Ҳисор ҷиҳати татбиқи он чӣ тадбирҳо андешида шудааст?
Дар Вилояти Мухтори Кӯҳистони Бадахшон зиёда аз 200 гектар ҷангалзор барқарор карда мешавад
Парвариши ниҳоли мевадиҳанда ва ороишӣ ба мавқеи ҷуғрофӣ вобаста аст
ДАРАХТ БИНШОН! Дар шафати роҳи мошингарди Шоҳамбарии шаҳри Ҳисор беш аз 3000 бех дарахти арча шинонида мешавад
ДАРАХТ БИНШОН! Дар талу теппаҳои шоҳроҳи Душанбе- Ваҳдат беш аз 42 ҳазор бех ниҳол шинонида мешавад
Дар Тоҷикистон ниҳолшинонӣ дар се марҳила гузаронида мешавад
ДАРАХТ БИНШОН. Дар кӯчаи Деҳотии шаҳри Душанбе беш аз 500 бех ниҳоли ороишии санавбар шинонида шуд
ДАРАХТ БИНШОН! Дар шаҳри Душанбе зиёда аз 214 ҳазор бех дарахтони ороишию сояафкан шинонида мешаванд
ДАРАХТ БИНШОН! Дар ноҳияи Ҷалолиддини Балхӣ беш аз 30 ҳазор бех ниҳоли сояафкану ҳамешасабз шинонида мешавад
Дар хоҷагии ҷангали ноҳияи Ховалинг тақрибан 10 ҳазор бех ниҳоли санавбар шинонида шуд
ДАРАХТ БИНШОН! Дар талу теппаҳои канори шоҳроҳи Душанбе-Рӯдакӣ-Ваҳдат садҳо бех ниҳолҳои ҳамешасабз шинонида шуданд
