ДАРАХТ БИНШОН! Ниҳолпарварони шаҳри Ваҳдат 120 ҳазор бех ниҳоли сояафкану ҳамешасабз ва мевадиҳандаро ба фурӯш омода намуданд
ВАҲДАТ, 03.12.2023. /АМИТ «Ховар»/. Мутахассисони Корхонаи воҳиди давлатии ниҳолпарварии шаҳри Ваҳдат соли 2023 зиёда аз 17 намуд навъҳои ниҳолҳои мевадиҳанда, сояафкан ва ҳамешасабз парвариш намудаанд. Онҳо қаламчаи навъҳои ниҳолҳои босифатро аз шаҳру ноҳияҳои Ҳисор, Файзобод, Шаҳринав ва водии Рашт дастрас намудаанд. Дар ин хусус ба хабарнигори минтақавии АМИТ «Ховар» дар Корхонаи воҳиди давлатии ниҳолпарварии шаҳри Ваҳдат иттилоъ доданд.
Тибқи иттилои мутахассисони Корхонаи ниҳолпарварии шаҳри Ваҳдат, соли 2023 ниҳолпарварони хоҷагӣ дар 17 гектар замини хоҷагӣ 310 ҳазору 69 бех ниҳол парвариш намуданд. Ниҳолҳои истеҳсолшуда дорои сифати хуб буда, онҳоро 16 мутахассиси корхона омода сохтаанд. Ҳар дарахтро дар дарахти дигар ба тариқи муғчапайванд пайваст намудаанд. Дар айни замон дар корхона 120 ҳазор бех дарахтони намудҳои гуногуни себу нок, олу, бодом, чормағз, хуч, олучаи самарқандӣ, гелос, зардолу ва намудҳои бисёри дарахтони сояафкан ва ҳамешасабз барои фурӯш омода мебошанд.
Яке аз самтҳои асосии фаъолияти Корхонаи воҳиди давлатии ниҳолпарварии шаҳри Ваҳдат- ин таъмини хоҷагиҳои ҷангали шаҳру навоҳии тобеи ҷумҳурӣ ва вилояти Хатлон бо ниҳолҳои гуногун мебошад. Корхона тариқи бастани шартномаҳои хариду фурӯш онҳоро бо дарахт таъмин менамояд.
Корхонаи воҳиди давлатии ниҳолпарварии шаҳри Ваҳдат дар якҷоягӣ бо саҳмдорони хоҷагӣ имсол зиёда аз 25 ҳазор бех ниҳоли мевадиҳанда ва ороиширо бо нархҳои дастрас ба аҳолӣ ва хоҷагиҳои ҷангали шаҳру ноҳияҳои ҷумҳурӣ ба фурӯш баровард.
АКС: АМИТ «Ховар»
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
ТАТБИҚИ БАРНОМАИ «МАМЛАКАТИ САБЗ». Дар шаҳрҳои Душанбе ва Ваҳдат 1500 бех ниҳол шинонида шуд
ДАРАХТ БИНШОН! Омӯзгорони ноҳияи Рӯдакӣ дар канори шоҳроҳи Душанбе-Ваҳдат дарахтони ҳамешасабз шинониданд
ДАРАХТ БИНШОН! Дар варзишгоҳи марказии ноҳияи Восеъ беш аз 2000 бех дарахти сӯзанбарги ороишӣ шинонида шуд
