ДАРАХТ БИНШОН! Дар боғу гулгаштҳои шаҳри Гулистон дарахтони ороишии ҳамешасабз шинонида шуданд
ДУШАНБЕ, 13.01.2024 /АМИТ «Ховар»/. Дар доираи дастуру супоришҳои Президенти Тоҷикистон муҳтарам Эмомалӣ Раҳмон дар шаҳри Гулистон маъракаи ниҳолшинонӣ бомаром идома дорад.
Тавре АМИТ «Ховар» бо истинод ба Хадамоти матбуоти Раиси шаҳри Гулистон хабар медиҳад, бо иштироки кормандони бахши ҳифзи муҳити зист, кормандони корхонаи «Хоҷагии манзилию коммуналии шаҳр», омӯзгорону донишҷӯёни Коллеҷи тиббии шаҳр дар боғу гулгаштҳои шаҳр дарахтони ороишии ҳамешасабз шинонида шуданд.
Интихоби навъҳои дарахту буттаҳо бо назардошти хусусияти зебоибахшиашон ба шаҳр ва риояи қоидаҳои дурусти агротехникӣ дар раванди ниҳолшинонӣ ба эътибор гирифта шуд.
Масъулин ният доранд, ки аз вазъи мусоиди обу ҳаво истифода бурда, маъракаи ниҳолшинониро тақвият бахшанд.
Бояд гуфт, ки шинонидани дарахт ва бунёди боғу гулгаштҳо ба вазъи экологӣ таъсири амиқ гузошта, муҳити зистро бо ҳавои тоза, ки асоси ҳастии ҳаёт ба он вобаста аст, ғанӣ мегардонанд.
АКС: Хадамоти матбуоти Раиси шаҳри Гулистон
6 феврал дар якчанд вазорату идораҳо нишасти матбуотӣ баргузор мегардад
Оид ба тағйирёбии иқлим ва стратегияҳои мутобиқшавӣ дар Осиёи Марказӣ конференсияи байналмилалӣ доир мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
«МегаФон Life»: алоқа бе маҳдудият ва хароҷоти зиёдатӣ
НИШАСТИ МАТБУОТӢ. Палатаи савдо ва саноат иштироки соҳибкоронро дар 38 намоишгоҳ таъмин намудааст
СОЛИ 2026 — СОЛИ АМАЛҲОИ НЕК, ТАШАББУСҲОИ СОЗАНДА ВА ДАСТОВАРДҲОИ НАЗАРРАС. Онро метавон марҳилаи нави ободонӣ ва худшиносии миллӣ номид
Имрӯз дар баъзе ноҳияҳои Тоҷикистон туман мефарояд
