ҶОМИ ОСИЁ-2023. Дастаи мунтахаби Тоҷикистон дар даври дуюм бо дастаи мунтахаби Қатар бозӣ менамояд

ДУШАНБЕ, 15.01.2024 /АМИТ «Ховар»/. Дастаи мунтахаби Тоҷикистон оид ба футбол 17 январ дар даври дуюми марҳилаи гурӯҳӣ бо мизбони Ҷоми Осиё-2023 – дастаи мунтахаби Қатар бозӣ менамояд. Дар ин хусус шореҳи варзиши АМИТ «Ховар» хабар медиҳад.

Дастаи мунтахаби Тоҷикистон оид ба футбол дар қисми финалии Ҷоми Осиё-2023, ки дар Қатар идома дорад, дар бозии аввал бо дастаи мунтахаби Чин мусовӣ бозӣ намуд.

Ёдовар мешавем, ки вохӯрии ин дастаҳо 13 январи дар варзишгоҳи «Абулло бин Халифа»-и шаҳри Давҳа баргузор шуда, бо натиҷаи мусовии 0:0 анҷом ёфт.

Дастаи мунтахаби Қатар дар даври аввал бо ҳисоби 3:0 дастаи мунтахаби Лубнонро шикаст дод. Дастаҳои мунтахаби Чин ва Тоҷикистон 1-имтиёзӣ доранд. Дастаи мунтахаби Лубнон бе имтиёз дар зинаи охир аст.

Дар даври дуюм 17 январ дастаи мунтахаби Чин бо Лубнон бозӣ менамояд. Дар даври сеюми марҳилаи гурӯҳии мусобиқот 22 январ дастаи мунтахаби Тоҷикистон бо дастаи мунтахаби яккачини Лубнон рақобат менамояд.

Бояд иброз намуд, ки аз ҳар гурӯҳ дудастаӣ ва инчунин чаҳор дастаи беҳтарин аз байни ҷойҳои сеюм ба даври 1/8-ниҳоии Ҷоми Осиё-2023 роҳ меёбанд.

АКС: Федератсияи футболи Тоҷикистон