Бахшида ба Рӯзи Қувваҳои Мусаллаҳи Тоҷикистон бо афсарзанон ҳамоиш доир гардид

Февраль 20, 2024 10:39

 ДУШАНБЕ, 20.02.2024 /АМИТ «Ховар»/. Бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон бо иштироки занони низомӣ  ҳамоиши тантанавӣ баргузор гардид. Дар ин хусус АМИТ «Ховар» бо истинод ба ин кумита хабар медиҳад.

Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода изҳор намуд, ки «ҳамоиш бо мақсади тақвият бахшидан ба мақому манзалати занону духтарон, таъмини иштироки фаъоли онҳо  дар ҳаёти сиёсиву ҷамъиятии ҷомеа, дар руҳияи ватандӯстиву хештаншиносӣ тарбия намудани наврасону ҷавонон, қадрдонӣ намудани занони низомӣ барои хизмати содиқона ба халқу Ватан ва ба ин восита зиёд намудани теъдоди занон дар мақомоти низомӣ доир шуд».

Дар ҳамоиш Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Зулфиқор Гулаҳмадзода, муовини Раиси шаҳри Душанбе Дилбар Одилзода, раиси кумитаи иқтисод ва молияи Маҷлиси намояндагони Маҷлиси Олии Ҷумҳурии Тоҷикистон Сурайё Дӯстмуродзода ва раиси коллегияи оилавии Суди Олии Ҷумҳурии Тоҷикистон Рухшона Ҳаким сухан гуфтанд.

Иброз гардид, ки дар замони соҳибистиқлолӣ саҳми беназири Сарфармондеҳи Олии Қувваҳои Мусаллаҳи Ҷумҳурии Тоҷикистон, Президенти Ҷумҳурии Тоҷикистон муҳтарам Эмомалӣ Раҳмон дар устувор намудани пояҳои Артиши миллӣ ва таъмини он бо шароити мувофиқ барои иҷрои уҳдадории конститутсионӣ ва шаҳрвандӣ назаррас мебошад.

Гуфта шуд, ки соли 1993 барои низомиёни ҷумҳурӣ соли таърихӣ маҳсуб мешавад, зеро бо ташаббусу ибтикори Пешвои миллат муҳтарам Эмомалӣ Раҳмон Қувваҳои Мусаллаҳи Тоҷикистон таъсис дода шуданд. Аз ин рӯ, ҳиссаи Артиши миллӣ дар ҳифзи марзу бум, таъмини амнияти мардум, бунёди давлати демократӣ, ҳуқуқбунёд ва дунявӣ, яъне истиқлолияти давлати тоҷикон ниҳоят бузург аст.

Дар фарҷоми ҳамоиш як зумра афсарзанон барои хизмати содиқона ба Ватан бо Сипоснома ва туҳфаҳои хотиравӣ қадрдонӣ гардиданд.

АКС: Кумитаи кор бо занон ва оилаи назди Ҳукумати Ҷумҳурии Тоҷикистон

Февраль 20, 2024 10:39

Хабарҳои дигари ин бахш

Дар Бадахшон 30-солагии таъсиси Қӯшунҳои сарҳадии Кумитаи давлатии амнияти миллии Тоҷикистон таҷлил шуд
Президенти Тоҷикистон: «Хизматчиёни ҳарбии Қӯшунҳои сарҳадӣ бояд аз таърихи ибратомӯзи миллати тоҷик сабақи ҷоннисориву мардонагӣ омӯзанд»
Тоҷикистон беш аз се даҳсола инҷониб дар пешгирии паҳншавии хатари терроризм ба минтақа ва ҷаҳон нақши калидӣ мебозад
Дар қисми низомии мустақар дар вилояти Суғд Рӯзи марзбонон таҷлил карда шуд
Дар Душанбе вохӯрии дуҷонибаи вазирони корҳои дохилии Тоҷикистон ва Федератсияи Русия доир гардид
КОРНАМОИҲОИ ФАРЗАНДОНИ САРСУПУРДАИ МИЛЛАТ ФАРОМӮШ НАМЕШАВАНД. Эҳдо ба 30-солагии Қӯшунҳои сарҳадии Ҷумҳурии Тоҷикистон
«ҚӮШУНҲОИ САРҲАДӢ НИШОНИ ВОЗЕҲИ ИСТИҚЛОЛИ ДАВЛАТИ ТОҶИКОН МЕБОШАД». Иқтибос аз суханрониҳои Президенти Тоҷикистон муҳтарам Эмомалӣ Раҳмон
Имрӯз Вазири корҳои дохилии Федератсияи Русия Владимир Колоколтсев ба Ҷумҳурии Тоҷикистон ташриф овард
Ҳамкории Раёсати Вазорати корҳои дохилии Тоҷикистон дар Хатлон ва Департаменти бехатарии ҷамъиятии шаҳри Шанхайи Чин тақвият меёбад
НАДОНИСТАНИ ҚОНУН ҶАВОБГАРИРО ИСТИСНО НАМЕКУНАД! Ахбороти Суди Олии Ҷумҳурии Тоҷикистон оид ба ҳизбу ҳаракатҳо ва ташкилотҳои террористӣ-экстремистие, ки фаъолияташон дар Тоҷикистон манъ карда шудааст
Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе Рустами Эмомалӣ ба 2 дидбонгоҳи Қӯшунҳои сарҳадӣ дар ноҳияи Шамсиддини Шоҳин кумак расониданд
Дар қисмҳои ҳарбӣ маросими савгандёдкунии аскарон баргузор шуд