Байни донишҷӯдухтарони Донишгоҳи давлатии ҳуқуқ, бизнес ва сиёсати Тоҷикистон мусобиқаҳои варзишӣ оғоз ёфтанд

ДУШАНБЕ, 29.02.2024 /АМИТ «Ховар»/. Бахшида ба Рӯзи Модар, 30-солагии Конститутсияи Ҷумҳурии Тоҷикистон, 30-солагии таъсиси Ҳизби Халқии Демократии Тоҷикистон ва Соли маърифати ҳуқуқӣ байни донишҷӯдухтарони Донишгоҳи давлатии ҳуқуқ, бизнес ва сиёсати Тоҷикистон дар маҷмааи варзишии донишгоҳ мусобиқаҳои варзишии волейбол, шашка, шоҳмот ва тенниси рӯи миз оғоз гардиданд. Мусобиқаҳо то 2 март идома меёбанд. Дар ин хусус АМИТ «Ховар» бо истинод ба ин донишгоҳ хабар медиҳад.

Мақсади баргузории мусобиқаҳои варзишӣ- тарғиби тарзи ҳаёти солим байни донишҷӯён, ҷалби таваҷҷуҳи онҳо ба варзиш, оммавигардонии варзиш байни донишҷӯён, мустаҳкам намудани алоқаи дӯстӣ байни онҳо, баланд бардоштани маҳорати касбии варзишии донишҷӯён ва муайян намудани дастаи мунтахаби донишгоҳ мебошад.

Дастаҳои ғолиб бо Ҷом, Диплом, медал ва туҳфаҳои хотиравии раёсати донишгоҳ қадршиносӣ мешаванд.

АКС: Донишгоҳи давлатии ҳуқуқ, бизнес ва сиёсати Тоҷикистон