Дар ҷануби Филиппин теъдоди бар асари ярч ҳалокшудагон ба 54 нафар расид

Февраль 12, 2024 15:11

ДУШАНБЕ, 12.02.2024 /АМИТ «Ховар»/.  Шумораи ҳалокшудагон бар асари ярч дар ҷануби Филиппин ба 54 нафар расид, дар ҳоле ки наҷотдиҳандагон ҷустуҷӯи 63 нафари бедаракшударо  идома медиҳанд. Тавре АМИТ «Ховар» бо истинод ба «Синхуа» иттилоъ медиҳад, дар ин хусус мақомоти маҳаллӣ хабар додаанд.

Шоми 6 феврал дар шаҳри Макои вилояти Давао-де-Оро, ки дар минтақаи кӯҳӣ ҷойгир мебошад, ярч фаромадааст, ки дар натиҷа якчанд хона, воситаҳои нақлиёт ва даҳҳо сокинон зери харобаҳо мондаанд.

Мувофиқи маълумоти идораи шаҳр оид ба пешгирии офатҳои табиӣ, дар ин фоҷиа 32 нафар ҷароҳат бардоштаанд.

Тавре мақомоти маҳаллӣ муайян намуданд, ярч 1347 оила ё 5431 нафарро дар чор деҳаи Мако фаро гирифтааст.

Тибқи Рӯйхати ҷаҳонии хатари офатҳои табиӣ дар соли 2022, Филиппин дар номгӯи давлатҳои аз ҳама бештар аз офатҳои табиӣ зарардидаи дунё дар ҷои аввал қарор гирифтааст.

Бояд гуфт, ки Филиппин давлат – ҷазира мебошад, ки дар ҳалқаи оташи вулқонии Уқёнуси Ором ҷойгир буда, аксар вақт аз тӯфонҳои пуриқтидор, ки дар натиҷаи обхезиҳо, ярчҳои ногаҳонӣ ва заминларзаву таркишҳои вулқонӣ ба вуҷуд меоянд, азият мекашад.

АКС аз манбаъҳои боз

Февраль 12, 2024 15:11

Хабарҳои дигари ин бахш

Дар Хоруғ озмуни «Расми беҳтарин дар мавзуи бехатарӣ аз сӯхтор» баргузор гардид
Имрӯз дар Тоҷикистон ҳавои тағйирёбанда шуда, борону барф меборад
Дар Ҷамоати деҳоти Қаратоғи шаҳри Турсунзода оид ба риояи қонунҳои миллӣ вохӯрӣ доир шуд
Имсол азхудкунии 3410 гектар заминҳои нави обёришаванда ба нақша гирифта шудааст
Ҷаласаи нахустини Раёсати Муассисаи давлатии «Комиссияи олии аттестатсионии назди Президенти Ҷумҳурии Тоҷикистон» доир гардид
СОҲИБ ТАБАРОВ – МУНАҚҚИДИ ВОҚЕЪБИНУ СОҲИБМАКТАБ. Андешаҳои профессор Аламхон Кӯчарзода бахшида ба 100-солагии ин адабиётшиноси маъруфи тоҷик
Имрӯз дар бештари манотиқи Тоҷикистон пастшавии ҳарорати ҳаво пешгӯӣ мешавад
Ба Ҷоизаи сулҳи Нобел дар соли 2024 285 номзад пешниҳод гардид
Имрӯз дар Душанбе сардии ҳаво ба 2 дараҷа мерасад
Байни донишҷӯдухтарони Донишгоҳи давлатии ҳуқуқ, бизнес ва сиёсати Тоҷикистон мусобиқаҳои варзишӣ оғоз ёфтанд
Сӯхтори ҷангал дар Техас дар таърихи мушоҳидаҳои иёлат дуюмин бузургтарин гардид
Созмони Милали Муттаҳид барои кумак ба Эфиопияи шимолӣ, ки аз хушксолӣ зарар дидааст, 17 миллион доллари ИМА ҷудо намуд