Дар Донишгоҳи байналмилалии сайёҳӣ ва соҳибкории Тоҷикистон факултети нави гуманитарӣ-омӯзгорӣ таъсис ёфт
ДУШАНБЕ, 09.02.2024 /АМИТ «Ховар»/. Дар соли таҳсили 2023-2024 дар Донишгоҳи байналмилалии сайёҳӣ ва соҳибкории Тоҷикистон факултети нав: гуманитарӣ– омӯзгорӣ таъсис дода шуд. Дар ин хусус ректори Донишгоҳи байналмилалии сайёҳӣ ва соҳибкории Тоҷикистон Убайдулло Асрорзода 9 феврал дар нишасти матбуотӣ дар Душанбе ба хабарнигорон иттилоъ дод.
Гуфта шуд, ки факултети нав фарогири тамоми самту равияҳои чуғрофӣ – сайёҳӣ буда, дар он аз рӯи ихтисосҳои забонҳои русӣ, англисӣ, чинӣ ва арабӣ омӯзгор омода мешавад.
Убайдулло Асрорзода афзуд, ки факултети нав дар доираи татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф», ки солҳои 2020 -2040 эълон гардидааст ва татбиқи «Стратегияи рушди сайёҳӣ дар Ҷумҳурии Тоҷикистон барои то соли 2030» таъсис дода шудааст.
Омода намудани мутахассисони забондони сатҳи байналмилалӣ, ки бозори меҳнат ба он ниёзи бештар дорад ва ба ин васила рушди соҳаи сайёҳӣ, хизматрасонӣ дар соҳаи сайёҳӣ, саҳм гузоштан дар раванди татбиқи яке аз чор ҳадафи стратегии Ҳукумати Ҷумҳурии Тоҷикистон- саноатикунонии мамлакат аз рисолати асосии факултети нави гуманитарӣ-педагогӣ мебошад.
Ҳоло дар факултети гуманитарӣ- омӯзгорӣ 600 донишҷӯ ба таҳсил фаро гирифта шудаанд.
Раёсати донишгоҳ тасмим гирифтааст, ки дар оянда ихтисосҳои зертобеи факултетро зиёд намояд.
Бояд тазаккур дод, ки Донишгоҳи байналмилалии сайёҳӣ ва соҳибкории Тоҷикистон дорои 7 факултет ва беш аз 20 кафедра бо фарогирии 80 ихтисосу равия буда, дар он 8000 донишҷӯ таҳсил доранд. Ба онҳо беш аз 250 профессору омӯзгор дарс медиҳанд.
Марзия САИДЗОДА,
АМИТ «Ховар»
АКС: АМИТ «Ховар»
Дар Донишгоҳи давлатии ҳуқуқ, бизнес ва сиёсати Тоҷикистон оид ба рушди илму маориф ҳамоиш баргузор шуд
Дар назди Донишгоҳи байналмилалии забонҳои хориҷии Тоҷикистон ду шурои нави диссертатсионӣ таъсис ёфт
Дар Донишгоҳи давлатии Бохтар даври муассисавии Озмуни ҷумҳуриявии «Фурӯғи субҳи доноӣ китоб аст» баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
САЙЁҲИИ МОҲИДОРӢ. Тоҷикистон бо захираҳои обӣ барои рушди сайёҳии моҳидорӣ имконияти зиёд дорад
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
