Дар Филиали Донишгоҳи давлатии Москва дар шаҳри Душанбе мутахассисон тибқи талаботи Стандартҳои федералии давлатии таҳсилоти олии насли сеюм омода мегарданд

Февраль 18, 2024 08:47

ДУШАНБЕ, 18.02.2024 /АМИТ «Ховар»/. Беш аз 90 донишҷӯ соли 2023 Филиали Донишгоҳи давлатии Москва ба номи М.В. Ломоносовро дар шаҳри Душанбе хатм намуда, дар вазорату идораҳои мамлакат дар соҳаҳои гуногуни иқтисодиёт ба фаъолият шуруъ намуданд.

Директори иҷроияи Филиали Донишгоҳи давлатии Москва ба номи М.В. Ломоносов дар шаҳри Душанбе Рустам Ғаниев 16 феврал зимни нишасти матбуотӣ иброз намуд, ки соли 2023 равияҳои математикаи амалӣ ва информатикаро 20 донишҷӯ, химия, физика ва механикаи маводро 7 донишҷӯ, геологияро 8 нафар, идоракунии давлатӣ ва мунисипалиро 16 нафар, муносибатҳои байналхалқиро 24 нафар ва лингвистикаро 18 донишҷӯ хатм намуданд.

Мавсуф афзуд, ки ҳамаи барномаҳои таълимӣ аз аккредитатсияи давлатӣ гузашта, ташхиси мазмун ва сифати омодагии таҳсилгирандагон тибқи шаш барномаи таълимӣ (дараҷаи бакалавриат) анҷом дода шудааст.

Рустам Ғаниев зимни натиҷагирӣ аз фаъолияти Филиали Донишгоҳи давлатии Москва ба номи М.В. Ломоносов дар шаҳри Душанбе изҳор намуд, ки фаъолияти таълимии филиал соли 2023 дар асоси талаботи Стандартҳои федералии давлатии таҳсилоти олии Федератсияи Русия, сиёсати таҳсилотии Ҷумҳурии Тоҷикистон ва Русия, ки ба такмили низоми таҳсил, нақшаи стратегии рушди филиал марбут мебошанд, амалӣ гардид. Гуфта шуд, ки омода намудани мутахассисон дар ин филиал мувофиқи талаботи Стандартҳои федералии давлатии таҳсилоти олии насли сеюм (СФДТО 3++) амалӣ мегардад.

Гуфта шуд, ки сифати омода намудани кадрҳо дар филиал аз натиҷаҳои интихоби довталабон ба муассисаи таълимӣ вобастагӣ дорад. Бо мақсади ҷалби васеи хатмкунандагони муассисаҳои таҳсилоти миёна барои дохилшавӣ ба филиал соли 2023 оид ба роҳнамоии касбӣ кори бонизом ташкил гардид.

Дар филиал Литсей, инчунин курсҳои тайёрӣ ба муҳлати 7 моҳ амал менамоянд, ки дар онҳо омодагии мақсадноки довталабон бурда мешавад. Аз ҷониби омӯзгорони кафедраҳои «Математика ва илмҳои табиӣ», «Илмҳои ҷамъиятӣ ва гуманитарӣ» ва «Лингвистика» барои довталабон дастурҳои методӣ таҳия ва нашр шудаанд. Фаъолияти роҳнамоии касбӣ тавассути тақсимоти варақаҳои таблиғотӣ, буклетҳо, насби баннерҳо, нишон додани рӯнамоҳо аз рӯйи равияҳои филиал ва ҳамкории самаранок бо воситаҳои ахбори омма амалӣ гардид.

Марзия САИДЗОДА,
АМИТ «Ховар»

АКС: АМИТ «Ховар»

Февраль 18, 2024 08:47

Хабарҳои дигари ин бахш

Ҳамкории дуҷонибаи Тоҷикистон ва Узбекистон дар самти таҳсили олии касбӣ ва илм баррасӣ карда шуд
Роҳбарияти раёсати Вазорати корҳои дохилӣ дар Хатлон бо кормандони соҳаи маорифи минтақаи Кӯлоб мулоқот намуд
Дар Тошканд Форуми дуюми ректорони муассисаҳои таҳсилоти олии Тоҷикистон ва Узбекистон оғоз шуд
Барои омӯзгорони фанҳои табиатшиносӣ, дақиқ ва риёзӣ машварати омӯзишӣ гузаронида шуд
Дар Ашт бинои нави Муассисаи таҳсилоти миёнаи умумии №25 ба истифода дода шуд
ҲАТМӢ ГАРДИДАНИ ЗИНАИ СЕЮМИ ТАҲСИЛ ДАР ТОҶИКИСТОН. Шарҳи АМИТ «Ховар» дар ин мавзуъ
«АЗ ПЕШВО БИОМӮЗ, ДАРСИ ВАТАНПАРАСТӢ». Вобаста ба тарбияи ватандӯстии шаҳрвандон ҳамоиш доир шуд
Дар Донишгоҳи давлатии Кӯлоб дар доираи Ҳафтаи илм конференсияи илмӣ-назариявӣ гузаронида шуд
СОЛИ МАЪРИФАТИ ҲУҚУҚӢ. Бахшида ба он дар Донишгоҳи байналмилалии забонҳои хориҷии Тоҷикистон конференсияи ҷумҳуриявӣ доир шуд
Туҳфаҳои идонаи Пешвои миллат ба тарбиятгирандагони мактаб-интернатҳои ҷумҳурӣ расонида шуданд
ГУЛҲОИ ВАТАН ШУКУФТА ДАР РӮЙИ ЧАКАН. Дар Академияи идоракунии давлатӣ либоси миллиро тарғиб намуданд
Озмун барои дарёфти Стипендияи Раиси шаҳри Душанбе оғоз гардид