Дар Минтақаи озоди иқтисодии «Кӯлоб» бо ҷалби сармояи Кореяи Ҷанубӣ маркази логистикӣ бунёд мешавад
ДУШАНБЕ, 26.02.2024 /АМИТ «Ховар»/. Дар Минтақаи озоди иқтисодии /МОИ/ «Кӯлоб» маркази логистикӣ бунёд мешавад. Дар иртибот ба ин бо мақсади баррасии масъалаҳои таҳияи Асосноккунии техникӣ – иқтисодии бунёди маркази логистикӣ дар ҳудуди МОИ-и «Кӯлоб» мушовирони соҳаи логистика аз Корпоратсияи байналмилалии машваратии PwC (PricewaterhouseCoopers)-и Ҷумҳурии Корея таҳти роҳбарии Ю Ок-Дон — Роҳбари лоиҳа ва роҳбарияти Муассисаи давлатии «Нақлиёти автомобилӣ ва хизматрасонии логистикӣ»-и Вазорати нақлиёти Ҷумҳурии Тоҷикистон бо ин минтақа шинос шуданд. Дар ин хусус АМИТ «Ховар» бо истинод ба Вазорати нақлиёти ҷумҳурӣ иттилоъ медиҳад.
Зимнан имконият фароҳам оварда шуд, ки меҳмонон бо ҷараёни бунёди инфрасохтори ин минтақа ва корхонаҳои саноатӣ шинос шаванд.
Аз тарафи Роҳбари маъмурияти Минтақаи озоди иқтисодии «Кӯлоб» оид ба имконияти сармоягузорӣ, мавқеи ҷуғрофӣ, инфрасохтори нақлиётӣ, имтиёзҳои пешниҳоднамудаи Ҳукумати Ҷумҳурии Тоҷикистон ва дигар масъалаҳои муҳим маълумоти муфассал дар шакли рӯнамо пешниҳод шуд.
Дар доираи сафар якчанд масъалаҳои барои тарафайн муҳим, бахусус масъалаҳои таҳияи Асосноккунии техникӣ-иқтисодии бунёди маркази логистикӣ дар Минтақаи озоди иқтисодии «Кӯлоб» бо ҷалби сармояи Ҷумҳурии Корея ва истифодаи васеи имтиёзҳои мавҷуда мавриди баррасӣ қарор дода шуда, барои омода намудани ҳуҷҷатҳои зарурӣ ва татбиқи амалии он ҳавасмандӣ зоҳир гардид.
Ҳамзамон дар шаҳри Душанбе маросими оғози расмии лоиҳаи нақшаи рушди сохтмони низоми логистикаи миллии Ҷумҳурии Тоҷикистон баргузор гардид. Дар доираи он аз ҷониби роҳбари маъмурияти Минтақаи озоди иқтисодии «Кӯлоб» муҳимияти бунёди маркази логистикӣ дар ҳудуди ин минтақа матраҳ гардида, аз тарафи иштирокдорон хуш пазируфта шуд.
АКС: Минтақаи озоди иқтисодии «Кӯлоб»
Тавсеаи ҳамкории иқтисодӣ, молиявӣ ва сармоягузории Тоҷикистон бо Амороти Муттаҳидаи Араб баррасӣ гардид
Ҳамкории Тоҷикистон ва Амороти Муттаҳидаи Араб дар соҳаи сайёҳӣ густариш меёбад
Дар ноҳияи Ҷалолиддини Балхӣ ҳаҷми истеҳсоли маҳсулоти кишоварзӣ 946 миллион сомониро ташкил дод
Рушди ҳамкорӣ дар самти заминсозӣ ва кадастри замин баррасӣ гардид
Ҳаҷми гардиши мутақобили мол байни Тоҷикистон ва Амороти Муттаҳидаи Араб беш аз 2 баробар афзудааст
Корхонаҳои саноатии вилояти Хатлон ба маблағи беш аз 5 миллиард сомонӣ маҳсулот истеҳсол намудаанд
Ҳамкории Тоҷикистон ва Амороти Муттаҳидаи Араб дар соҳаи авиатсияи гражданӣ баррасӣ шуд
Агентии рейтингии байналмилалии «Standard & Poor’s» ба дастовардҳои иқтисодии Тоҷикистон баҳои сазовор дод
Ҳамкории Тоҷикистон ва Русия дар соҳаи нафту газ тақвият меёбад
Гузариш ба гардиши ҳуҷҷатҳои электронӣ қадами муассир дар самти беҳтарнамоии фаъолияти сохторҳои давлатӣ аст
Тоҷикистон ва Британияи Кабир дар соҳаи инноватсия ва технологияҳои иттилоотӣ ҳамкорӣ менамоянд
Тоҷикистон ва Иттиҳоди Аврупо ҳамкориро дар бахшҳои мошинсозӣ, дорусозӣ ва истихроҷи маъдан густариш медиҳанд
