Дар ноҳияи Исмоили Сомонӣ масъалаи ба «шаҳри гулрез» ва «шаҳри сабз» табдил додани пойтахт ва сабзу хуррам гардонидани он баррасӣ гардид
ДУШАНБЕ, 06.02.2024 /АМИТ «Ховар»/. Имрӯз дар ноҳияи Исмоили Сомонӣ вохӯрии роҳбарияти Кумитаи иҷроияи Ҳизби Халқии Демократии Тоҷикистон дар шаҳри Душанбе, Кумитаи иҷроияи ноҳиявии ҳизб, Мақомоти иҷроияи ҳокимияти давлатии ноҳияи Исмоили Сомонӣ ва Раёсати кор бо ҷавонон ва варзиши шаҳри Душанбе бо масъулони кумитаву ташкилоти ҳизбӣ, майдончаҳои варзишӣ ва раисони шаҳраку маҳаллаҳои ҳудуди ноҳия доир шуд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Душанбе хабар доданд.
Ҳадафи вохӯрӣ иҷрои дастуру супоришҳои Раиси муаззами ҲХДТ муҳтарам Эмомалӣ Раҳмон ва пайравӣ ба муроҷиатномаҳои Раиси шаҳри Душанбе муҳтарам Рустами Эмомалӣ ҷиҳати ба «шаҳри гулрез» ва «шаҳри сабз» табдил додани пойтахт ва сабзу хуррам гардонидани он маънидод гардид.
Зимни вохӯрӣ иброз гардид, ки шаҳри дилорои Душанбе хонаи умеду ормонҳои тамоми тоҷикони дунё мебошад ва тозагиву озодагӣ ва сарсабзу хуррамии он аз мо вобастагии амиқ дорад.
Ҳамзамон масъулону ҳозирин даъват шуданд, ки ҷавобан ба ғамхориҳои беназири Пешвои миллат муҳтарам Эмомалӣ Раҳмон ва ташаббусҳои созандаи Раиси шаҳри Душанбе муҳтарам Рустами Эмомалӣ ба иқдоми тозагиву ободонӣ ва ниҳолшинонӣ даст бизананд ва майдончаҳои варзиширо, ки аз рӯйи талаботи муосири шаҳрнишинӣ бо заҳмати зиёд бунёд шудаанд, самаранок истифода баранд.
Ҳамзамон чунин вохӯрӣ бо кормандони Раёсати истифодабарии роҳҳои ноҳияи Исмоили Сомонӣ доир гардид.
Ёдовар мешавем, ки чунин мулоқоту суҳбатҳо дар асоси дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон ва нақшаи чорабиниҳо оид ба густариши корҳои ободонӣ, тозагиву озодагӣ, ниҳолшинониву сабзгардонӣ ва нигоҳдории майдончаҳои варзишии пойтахт, ки аз ҷониби Раиси шаҳри Душанбе муҳтарам Рустами Эмомалӣ 17 январи соли 2024 тасдиқ гардидааст, баргузор мегарданд.
Бо масъулони кумитаву ташкилоти ҳизбӣ, масъулини майдончаҳои варзишӣ, раисони шаҳраку маҳаллаҳо ва кормандони раёсатҳои истифодабарии роҳҳои ноҳияҳои Сино, Шоҳмансур ва Фирдавсии пойтахт низ чунин мулоқоту суҳбатҳо ба нақша гирифта шудаанд.
АКС: Кумитаи иҷроияи Ҳизби Халқии Демократии Тоҷикистон дар шаҳри Душанбе
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
