Дар Пекин машваратҳои байниидоравӣ оид ба таъсиси Маркази зиддимухаддиротии Созмони ҳамкории Шанхай дар Душанбе доир шуданд
ДУШАНБЕ, 27.02.2024 /АМИТ «Ховар»/. 26 феврал дар Котиботи Созмони ҳамкории Шанхай (СҲШ) таҳти раёсати ҷониби Тоҷикистон машваратҳои навбатии байниидоравӣ оид ба таъсиси Маркази зиддимухаддиротии Созмони ҳамкории Шанхай дар шаҳри Душанбе ҳамчун мақоми алоҳидаи доимамалкунанда баргузор гардиданд. Дар ин хусус АМИТ «Ховар» бо истинод ба Котиботи Созмони ҳамкории Шанхай дар Пекин иттилоъ медиҳад.
Дар чорабинӣ коршиносони вазорату идораҳои дахлдори давлатҳои аъзои Созмони ҳамкории Шанхай ва намояндагони Котибот иштирок карданд. Аз рӯйи натиҷаҳои мулоқот Протокол ба имзо расид.
«Дар ҳошия»-и машваратҳо мулоқоти алоҳидаи иҷрокунандаи вазифаи Дабири кулли Созмони ҳамкории Шанхай Нуран Ниязалиев бо муовини Раиси Кумитаи давлатии амнияти миллии Ҷумҳурии Тоҷикистон Шомуддин Шарипов баргузор гардид, ки дар ҷараёни он ҳамсуҳбатон оид ба масъалаҳои мубрами фаъолияти кунунии Созмони ҳамкории Шанхай табодули афкор намуданд.
Ёдовар мешавем, ки дар саммити сарони давлатҳои Созмони ҳамкории Шанхай, ки дар Бишкек баргузор гардид, Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешниҳод намуданд, ки дар доираи Созмони ҳамкории Шанхай сохтори алоҳидаи мубориза бо маводи мухаддир таъсис дода шавад.
АКС: Котиботи Созмони ҳамкории Шанхай дар Пекин
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
НИШАСТИ МАТБУОТӢ. Дар шаш моҳи соли 2026 сатҳи ҷинояткорӣ байни ноболиғон ва ҷавонон зиёд шудааст
