«ДУШАНБЕ-ШАҲРИ САБЗ». Дар ноҳияи Исмоили Сомонӣ беш аз 25 ҳазор бех дарахти мева, ороишӣ ва сояафкан шинонида шуд
ДУШАНБЕ, 15.02.2024. /АМИТ «Ховар»/. Бо мақсади иҷрои муроҷиатномаҳои Раиси шаҳри Душанбе муҳтарам Рустами Эмомалӣ ҷиҳати ба «шаҳри гулрез» ва «шаҳри сабз» табдил додани пойтахт ва сабзу хуррам гардонидани он дар ноҳияи Исмоили Сомонӣ беш аз 25 ҳазор бех дарахт, аз ҷумла 2504 бех дарахти сояафкан, 12 288 бех ороишӣ, беш аз 11 ҳазор бех дарахти мева шинонида шудаанд. Дар ин хусус имрӯз зимни нишасти матбуотӣ Раиси ноҳияи Исмоили Сомонӣ Руслан Қодирзода ба хабарнигорон иттилоъ дод.
Гуфта шуд, ки дар ин давра дар кӯчаю хиёбонҳои ҳудуди ноҳия марҳила ба марҳила ба миқдори 1 миллиону 507 ҳазору 220 дона гулҳо аз ҷумла, 981020 дона гулҳои мавсимӣ, 300 ҳазор дона гулҳои лола, беш аз 200 ҳазор адад гулҳои бисёрсола (садбарг) шинонида шуда, дар масоҳати 16 ҳазору 184 метри мураббаъ майсазор кишт шудааст.
Ҳамзамон дар идомаи нишасти матбуотӣ гуфта шуд, ки соли 2023 таъмири ҷории 16 000 метри мураббаъ роҳҳои ҳудуди ноҳия ба нақша гирифта шуда, ба миқдори 22 ҳазору 760 метри мураббаъ роҳҳо таъмиру мумфарш шуданд.
Ёдовар мешавем, ки Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олии Ҷумҳурии Тоҷикистон барои беҳтар гардонидани вазъи экологӣ ва сарсабзу хуррам гардонидани мамлакат чунин таъкид доштанд: «Бо назардошти тағйирёбии иқлим ва бо мақсади беҳтар намудани вазъи экологии мамлакат, инчунин муҳайё намудани шароити ҳарчи беҳтар ва мусоиди зист барои аҳолӣ ба Ҳукумати мамлакат, Кумитаи ҳифзи муҳити зист ва тамоми сохтору мақомоти давлатӣ супориш дода мешавад, ки Барномаи мушаххаси давлатӣ оид ба кабудизоркунии мамлакатро барои давраи то соли 2040 қабул ва амалӣ намоянд. Таъмин намудани зиндагии осудаву босаодати наслҳои ояндаи халқамон моро водор месозад, ки ба ин масъала ҷиддӣ муносибат намоем. Яъне мо бояд барои наслҳои оянда ниҳол шинонем, боғ бунёд намоем, Ватанамонро пешрафта гардонем ва чунонки доим таъкид менамоям, ба фарзандону набераҳоямон мулки обод ба мерос гузорем».
Зарангези ЛАТИФ,
АМИТ «Ховар»
АКС: АМИТ «Ховар»
СИЁСАТИ НИҲОЛШИНОНИИ ПЕШВОИ МИЛЛАТ. Яке аз сабабҳои зиёд омадани селобҳои зиёд нестшавии дарахтон дар кӯҳҳову баландиҳои назди маҳалҳои зист мебошад
«БА ДАРАХТОН ОБ ДИҲЕД!». Таҳти ин унвон Кумитаи иҷроияи Ҳизиб Халқии Демократии Тоҷикистон дар ноҳияи Сино маъракаи ҳизбӣ мегузаронад
Зиёда аз 4 ҳазор дарахтони ороишию мевадиҳандаи боғи навбунёди ноҳияи Мурғоб зимистони сардро бе зарар гузарониданд
Дар Боғи «Ирам» намоишгоҳи ҷумҳуриявии хайриявии гулу растанӣ баргузор шуд
Пешвои миллат Эмомалӣ Раҳмон дар шаҳри Пистояи Италия бо таҷрибаи пешқадами ниҳолпарварӣ ва сабзгардонии муҳити зист шинос гардиданд
ДАРАХТ БИНШОН! Дар Мастчоҳ беш аз 4000 бех ниҳоли ороишиву ҳамешасабз ва мевадиҳанда шинонида мешавад
ДАРАХТ БИНШОН! Дар ноҳияи Лахш 1200 бех ниҳоли мевадиҳанда ва ҳамешасабзу ороишӣ шинонида шуд
ДАРАХТ БИНШОН! Дар шафати шоҳроҳи Ваҳдат-Норак беш аз 1500 бех ниҳоли дарахти санавбар шинонида шуд
ДАРАХТ БИНШОН! Дар ноҳияи Хуросон тадбирҳои ниҳолшинонӣ анҷом дода шуд
ДАРАХТ БИНШОН! Имсол дар ноҳияи Шуғнон 3 ҳазор бех дарахтони сояафкану ороишӣ ва мевадор мешинонанд
ДАРАХТ БИНШОН! Дар кӯчаи Сирдарёи шаҳри Хуҷанд 150 бех ниҳоли дарахтони ҳамешасабз ва ороишӣ шинонида шуд
Дар Вилояти Мухтори Кӯҳистони Бадахшон 150 ҳазор бех ниҳолҳои сояафкану ороишӣ ва мевадиҳанда шинонида мешаванд
