МАРДУМИ КӮҲИСТОН ОНРО ДЕР БОЗ ИНТИЗОР БУДАНД. Лоиҳакашии роҳи Айнӣ ва Кӯҳистони Мастчоҳ оғоз гардид
ДУШАНБЕ, 14.02.2024 /АМИТ «Ховар»/. Лоиҳакашии роҳи Айнӣ-Кӯҳистони Мастчоҳ оғоз гардид. Ҳайати вазорати нақлиёт ва мақомоти иҷроияи ҳокимияти давлатии ноҳияи Айнӣ бо харитаи роҳ шинос шуда, бо мутахассисон вобаста ба таҷдид ва навсозии роҳ машварат намуданд. Дар ин хусус АМИТ «Ховар» бо истинод ба Вазорати нақлиёти Ҷумҳурии Тоҷикистон иттилоъ медиҳад.
Лоиҳаи муҳим дар идомаи иқдоми Ҳукумати мамлакат ҷиҳати ба давлати транзитӣ табдил додани Тоҷикистон таҳия гардидааст. Гуфта шуд, ки Лоиҳаи таҷдиду навсозии роҳи Айнӣ ва Кӯҳистони Мастчоҳ, ки 80 километрро ташкил медиҳад, лоиҳакашии дақиқ талаб менамояд ва он бояд ба стандартҳои замони муосир пурра ҷавобгӯ бошад.
Таъкид шуд, ки оғози корҳои лоиҳакашӣ дар ин роҳ, ки мардуми кӯҳистон онро дер боз интизор буданд, дар раванди бунёдкориву созандагӣ ба ифтихори ҷашни 35-солагии Истиқлоли давлатии Ҷумҳурии Тоҷикистон иқдоми нек мебошад.
Бунёди роҳҳои замонавии нақлиётӣ дар минтақаи болооби Зарафшон ба он марбут аст, ки рушди соҳаҳои гуногуни ноҳияҳои водӣ аз тариқи роҳи муосиру замонавӣ таъмин ва дар ин замина сатҳу сифати зиндагии мардум боз ҳам баланд бардошта шавад. Ин яке аз ҳадафҳои асосии Ҳукумати Ҷумҳурии Тоҷикистон мебошад.
АКС аз манбаъҳои боз
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
