МЕВАҲОИ ИСТИҚЛОЛ. Намоиш-фурӯши корҳои эҷодии донишҷӯёни Донишгоҳи давлатии Хуҷанд доир шуд

Февраль 22, 2024 16:06

ДУШАНБЕ, 22.02.2024 /АМИТ «Ховар»/. Дар Қасри ҷавонони ба номи Лоиқ Шералии шаҳри Хуҷанд таҳти унвони «Меваҳои истиқлол» намоиш-фурӯши корҳои эҷодии донишҷӯёни факултети санъати тасвирӣ ва дизайни Донишгоҳи давлатии Хуҷанд ба номи академик Бобоҷон Ғафуров баргузор гардид. Дар ин хусус АМИТ «Ховар» бо истинод ба Донишгоҳи давлатии Хуҷанд хабар медиҳад.

 Иштирокчиён дар даромадгоҳи бино нахуст бо маҳсули эҷоди донишҷӯён шинос шуданд.

Ректори Донишгоҳи давлатии Хуҷанд Аюб Усмонзода гуфт, ки баъди соҳибистиқлолии Тоҷикистон яке аз самтҳои афзалиятноки сиёсати маънавибунёди Президенти Ҷумҳурии Тоҷикистон муҳтарам Эмомалӣ Раҳмон рушди ҳунарҳои мардумӣ, нақшакашӣ ва дизайн эътироф гардид.

Тоҷикон аз ҷумлаи мардумони қадимтарини дунё буда, бо равнақ бахшидани бахшҳои ҳунару ҳунармандӣ дар инкишофи тамаддуни башарӣ саҳми арзанда гузоштаанд. Маҳорат, завқи баланд ва санъати волои меъмории ниёгони мо дар ёдгориҳои таърихии Бохтару Хатлони қадим ба таври равшан ба назар мерасад, ки мояи  ифтихор ва сарфарозии мо мебошад.

Таъкид гардид, ки Донишгоҳи давлатии Хуҷанд ҳамчун боргоҳи илму маърифат ва маркази инкишофи санъати тасвирӣ ва нақшакашӣ дар роҳи татбиқи сиёсати маорифпарварона ва дурбинонаи Пешвои миллат имрӯз нақши арзанда мегузорад. Бо дарки ин маънӣ, раёсати донишгоҳ дар оянда низ рушди ин соҳаро ба яке аз самтҳои афзалиятноки фаъолият табдил дода, бо ташаббусҳои тоза, ибтикороти судманд ва меҳнати софдилона дар татбиқи ҳадафҳои созандаи Ҳукумати Ҷумҳурии Тоҷикистон саҳми шоиста мегузорад.

АКС: Донишгоҳи давлатии Хуҷанд ба номи академик Бобоҷон Ғафуров

Февраль 22, 2024 16:06

Хабарҳои дигари ин бахш

СОЛИ МАЪРИФАТИ ЭКОЛОГӢ. Зимни гузаронидани ҳашари «Тозагии ҳаво» зиёда аз 1900 нақлиёти ифлос сабт шуд
Дар Коллеҷи тиббии шаҳраки Оби Гарми Роғун доир ба пешгирии терроризм конференсияи илмӣ баргузор гардид
Раиси Кумитаи ҳифзи муҳити зисти Тоҷикистон бо ниҳолхонаи бахши ҳифзи муҳити зист дар Шаҳристон шинос шуд
ҶАВОНОНИ БАДАХШОН-ПАЙРАВОНИ ПЕШВОИ МИЛЛАТ. Бо донишҷӯёни Донишгоҳи давлатии Хоруғ мулоқот доир гардид
Дар доираи Ҳафтаи илм дар Институти фалсафа, сиёсатшиносӣ ва ҳуқуқ конфронси ҷумҳуриявӣ баргузор гардид
Кишоварзони шаҳри Панҷакент азм доранд майдони кишти картошкаро ба 5 ҳазор гектар расонанд
Дар Боку Форуми VI умумиҷаҳонии муколамаи байнифарҳангӣ баргузор мешавад
БО УСУЛИ «ХОНА БА ХОНА». Дар шаҳри Левакант суҳбат ва корҳои фаҳмондадиҳӣ гузаронида шуданд
ОБОДОНӢ ДАР МАҲАЛ. Дар Ҷамоати деҳоти Кӯлоб пули нав ба истифода дода мешавад
Дар кооперативҳои тиҷоратӣ ва хоҷагиҳои деҳқонии шаҳри Кӯлоб кишти пунбадона оғоз гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар шаҳри Ҳисор ҷараёни татбиқи яке аз қонунҳои миллии мамлакат баррасӣ гардид