НИШАСТИ МАТБУОТӢ. Дар Донишгоҳи байналмилалии забонҳои хориҷии Тоҷикистон факултети филология ва рӯзноманигорӣ бо ду ихтисоси равияи журналистӣ таъсис ёфт
ДУШАНБЕ, 08.02.2024 /АМИТ «Ховар»/. Соли 2023 дар Донишгоҳи байналмилалии забонҳои хориҷии Тоҷикистон ба номи Сотим Улуғзода яке аз дастовардҳои назаррас таъсиси 21 ихтисоси нави ба талаботи бозори меҳнати дохилӣ ва берунӣ ҷавобгӯ дар зинаҳои бакалавриат, магистратура ва докторантура (PhD) ба ҳисоб меравад. Аз ҷумла, дар Донишгоҳ факултети филология ва рӯзноманигорӣ бо ташкили ду ихтисоси равияи журналистӣ- яке рӯзноманигории байналмилалӣ ва дуюм рӯзноманигорӣ (шореҳи масоили сиёсӣ) таъсис ёфт. Дар ин хусус Ректори Донишгоҳи байналмилалии забонҳои хориҷии Тоҷикистон Жило Гулназарзода имрӯз зимни нишасти матбуотӣ ба рӯзноманигорон иттилоъ дод.
«Ҳадаф аз ташкили ин ихтисосҳо омода намудани журналистони ҳирфаии донандаи забонҳои хориҷӣ маҳсуб мешавад»,-илова намуд Ректори донишгоҳ.
Иброз гардид, ки дар факултетҳои Донишгоҳ мутобиқи нақшаи нави таълимӣ 24 кафедра аз рӯйи 40 ихтисос дар зинаи бакалавриат бо фарогирии 5231 донишҷӯ фаъолият менамоянд. Аз шумораи умумии донишҷӯён дар шуъбаи рӯзона 3303 нафар ва дар шуъбаи таҳсилоти фосилавӣ 1928 нафар, дар зинаи магистратура 86 нафар, дар зинаи докторантура (PhD) 30 нафар таҳсил менамоянд.
Дар ин давра донишгоҳ дар таҳияи Стандарти давлатӣ барои муассисаҳои таҳсилоти олии касбии мақоми байналмилалӣ саҳм мегузорад. Соли 2023 сатҳи донишазхудкунӣ 98,4%-ро дар ташкил дод, ки нисбат ба ҳамин давраи соли гузашта +1,1 фоиз баланд мебошад.
Дар соли таҳсили имсола аз рӯйи ихтисосҳои амалкунанда ба донишгоҳ аз 1186 ҷой 1096 довталаб тариқи Маркази миллии тестии назди Президенти Ҷумҳурии Тоҷикистон дохил гардиданд, ки ба 93 фоизи нақша баробар аст.
София ШОИК,
АМИТ «Ховар»
АКС : АМИТ «Ховар»
Дар Донишгоҳи давлатии Кӯлоб ба ифтихори 35-солагии Истиқлоли давлатӣ ҳамоиши тантанавӣ доир шуд
Байни Донишгоҳи байналмилалии забонҳои хориҷии Тоҷикистон ва Донишгоҳи Вестминстер Ёддошти тафоҳум ба имзо расид
Кормандони Донишгоҳи миллии Тоҷикистон бо мукофотҳои давлатӣ сарфароз гардиданд
Дар Донишгоҳи байналмилалии сайёҳӣ ва соҳибкории Тоҷикистон маросими супоридани мукофотҳои давлатӣ баргузор шуд
Оид ба дастовардҳои илмии Тоҷикистон дар солҳои соҳибистиқлолӣ ҳамоиш доир шуд
«Барномаи давлатии такмили таълим ва омӯзиши забонҳои русӣ ва англисӣ барои давраи то соли 2030» баррасӣ гардид
Панҷ нуктаи омӯзанда аз Рӯзи дониш ва Дарси сулҳ бо паёми Президенти Тоҷикистон
Дар Донишгоҳи аграрии Тоҷикистон синфхонаи замонавӣ барои донишҷӯён ба истифода дода шуд
Президенти Фонди ОПЕК оид ба рушди байналмилалӣ бо имконоти Донишгоҳи байналмилалии сайёҳӣ ва соҳибкории Тоҷикистон шинос гардид
Муҳаққиқи ҷавони тоҷик Омина Холиқзода дар Чин соҳиби медалҳои тилло ва нуқра гардид
Пешвои миллат Эмомалӣ Раҳмон дар шаҳри Душанбе Муассисаи таълимии ғайридавлатии таҳсилоти миёнаи умумии «Имкон»-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар назди 12 муассисаи таълимии шаҳри Ваҳдат биною синфхонаҳои иловагӣ ба истифода дода мешаванд
