НИШАСТИ МАТБУОТӢ. Дар Тоҷикистон қарздорӣ аз пардохти нафақа вуҷуд надорад
ДУШАНБЕ, 07.02.2024 /АМИТ «Ховар»/. Дар айни замон дар ҷумҳурӣ қарздорӣ аз пардохти нафақа вуҷуд надорад. Дар ин хусус муовини Директори Агентии суғуртаи ҳифзи иҷтимоӣ ва нафақаи назди Ҳукумати Ҷумҳурии Тоҷикистон Аъламхон Наимӣ имрӯз дар нишасти матбуотӣ ба хабарнигорон иттилоъ дод.
Аъламхон Наимӣ зимни натиҷагирӣ аз фаъолияти Агентии суғуртаи ҳифзи иҷтимоӣ ва нафақаи назди Ҳукумати Ҷумҳурии Тоҷикистон гуфт, ки соли 2023 қисми хароҷоти буҷети суғуртаи иҷтимоӣ ва нафақа дар ҷумҳурӣ беш аз 3,6 миллиард сомониро ташкил дод. Ин омор бозгӯи пурра иҷро гардидани қисми хароҷоти буҷети суғуртаи иҷтимоӣ дар мамлакат аст.
Таъкид шуд, ки хароҷоти пардохти кумакпулиҳои суғуртаи иҷтимоӣ дар корхонаю муассисаҳо ба ҳисоби пешакӣ 289,9 миллион сомониро ташкил менамояд. Аз ҷумла, кумакпулӣ барои корношоямии муваққатӣ ба 49 ҳазору 311 нафар дар ҳаҷми 51,6 миллион сомонӣ, кумакпулӣ барои ҳомиладорӣ ва таваллуд ба 27 ҳазору 901 нафар дар ҳаҷми 192,9 миллион сомонӣ, кумакпулии яквақта барои таваллуди кӯдак ба 12 ҳазору 362 нафар дар ҳаҷми 1,8 миллион сомонӣ, кумакпулӣ барои нигоҳубини кӯдак то расидан ба синни 1,5-солагӣ ба 122 ҳзаору 955 нафар дар ҳаҷми 16,8 миллион сомонӣ пардохт гардид.
Инчунин хароҷоти корхонаҳо ва ташкилот, ки ба ташкили табобати курортию саноатӣ ва солимгардонии кормандон аз ҳисоби маблағҳои андози иҷтимоӣ равона гардидаанд, 26,7 миллион сомониро ташкил медиҳад.
Марзия САИДЗОДА,
АМИТ «Ховар»
АКС: АМИТ «Ховар»
Дар Душанбе ба муносибати Рӯзи кормандони соҳаи тиб ҳамоиши тантанавӣ баргузор гардид
Дар ноҳияи Восеъ бо иштироки Сарвазири Тоҷикистон иншооти иҷтимоӣ ва роҳҳои нав ба истифода дода шуданд
Эмомалӣ Раҳмон: «Ному осори Абуалӣ ибни Сино боиси сарфарозии тамоми инсоният гардидааст»
Эмомалӣ Раҳмон: «Саломатии аҳолӣ сарвати асосии давлат мебошад»
Бо дастури Пешвои миллат ба оилаи аз офати табиӣ зарардида дар Кӯлоб хонаи нави истиқоматӣ тақдим гардид
«ТАБЛИҒГАРОНИ ИСТИҚЛОЛ». Гурӯҳи тарғиботӣ — ташвиқотӣ дар ноҳияҳои Рӯдакӣ, Файзобод ва Шаҳринав дастовардҳои даврони соҳибистиқлолиро муаррифӣ намуд
Таъсиси Шурои роҳбарони мақомоти иҷрои маҷбурии кишварҳои аъзои ИДМ баррасӣ шуд
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
