НИШАСТИ МАТБУОТӢ. Дар Тоҷикистон соли 2023 шумораи бекоршавии ақди никоҳ кам шудааст
ДУШАНБЕ, 12.02.2024 /АМИТ «Ховар»/. Соли 2023 сабти давлатии ақди никоҳ 76 ҳазору 444 ҳолатро ташкил дода, бекоршавии ақди никоҳ ба 10 ҳазору 298 ҳолат баробар гардид, ки нисбат ба ҳамин давраи соли 2022 3 ҳазору 578 ҳолат кам аст. Дар ин хусус имрӯз зимни нишасти матбуотӣ Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ба рӯзноманигорон иттилоъ дод.
Ҳамзамон Раиси Кумита иброз дошт, ки теъдоди кӯдакони ноболиғ баъди бекор намудани ақди никоҳ нисбат ба нишондиҳандаи соли 2022 (15 ҳазору 412 нафар) 5 ҳазору 327 нафар кам мебошад.
Дар нишаст иброз гардид, ки аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон ва зерсохторҳои он дар вилоят ва шаҳру ноҳияҳои ҷумҳурӣ мунтазам чорабиниҳои иттилоотӣ, машғулияту тренинг ва суҳбату вохӯриҳо, корҳои ташвиқотию тарғиботӣ гузаронида мешаванд. Мақсад аз он паст намудани раванди омилҳои номатлуб- аз пошхӯрии оилаҳо то пешгирӣ намудани хушунати хонаводагӣ, содир намудани ҷиноят аз ҷониби занон ва аъзои оилаашон мебошад.
София ШОИК,
АМИТ«Ховар»
АКС: АМИТ «Ховар»
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
Эмомалӣ Раҳмон: «Эҳтиром ба зан – модар дар Тоҷикистон ҳамчун зарурати сиёсӣ ва иҷтимоӣ эътироф мешавад»
